Foto: Sputnik Kazahstan

Ötken aptada Resey BAQ ökilderi resmi Astananı Süriya mäselesi boyınşa BWW-nıñ Qauipsizdik keñesinde «Reseydi qoldamadı» - dep ayıptasa, osı aptada Kreml' mañındağı jazğıştar men aytqıştar Qazaqstandı «Kaspiy tınıştığın bwzdı» - dep ayıptadı. Jalpı, soñğı uaqıttarı reseylik jurnalister Qazaqstan biligine qarata bağıttalğan aqparattıq şabuıldarın küşeytti. Osığan baylanıstı bügin biz reseylik sarapşı Arkadiy Dubnov pen qazaqstandıq sayasattanuşı Marat Şibwtovtıñ pikirlerin berudi jön kördik.

Foto: sayasat.kz

Marat Şibwtov, sayasattanuşı: «Qazaqstan NATO-men aradağı Auğanstanğa jük tasımaldau kelesimin orındauda. Bwl jerde eşqanday zañ bwzuşılıq joq. Auğanstanğa jük tasımalı osığan deyin bizsiz de jüzege asırılıp kelgen. Tek bwğan deyin jük tasımalınıñ barlığı Resey arqılı ötetetin jäne olar bwdan qıruar payda tabatın. Biraq qazir jağday özgerdi. Endi Auğanstanğa jük tasımalı Gruziya, Äzirbayjan jäne Qazaqstan arqılı ötedi. Bwl sol bayağı jük konteynerleri. Onıñ işinde bwrınğısınşa Auğanstandağı AQŞ äskerine arnalğan därethana qağazdarı, azıq-tülik tauarları siyaqtı zattar bar. Al Resey jurnalisteri baybalam salıp jüregen Kaspiy tınıştığınıñ bwzlğandığına keletin bolsaq, aymaq tınıştığın birinşi bolıp Reseydiñ özi bwzğan. Resey Kaspiy teñizinen yadrolıq oqtwmsıqtarı bar «Kalibr» zımırandarımen Süriyanı atqılağanda aymaq tınıştığına qauip töngen.»

Foto: RFI

Reseylik sarapşı, Arkadiy Dubnov: «Qazaqstannıñ Reseydigi elşiligi 26 säuir küni Resey jurnalisteriniñ Kaspiy tınıştığına baylanıstı jariyalağan materialdarınan keyin resmi mälimdeme jasauğa mäjbür boldı. Onda Qazaqstan tarapı Resey BAQ ökilderiniñ «Kaspiy porttarın AQŞ äskeri-teñiz küşteri paydalanbaq» - degen sarındağı materialdarına «jalğan aqparat» - degen bağa berdi. Resey jurnalisteriniñ baybalam saluına Qazaqstan Senatınıñ atalmış mäselege baylanıstı zañ jobasın ratifikaciyalauı sebep boldı. Biraq ol zañğa Nwrswltan Nazarbaev äli qol qoymağanın ayta ketken jön. Jalpı, AQŞ 2010 jılı Auğanstanğa jük tasımaldauda Kaspiy porttarın paydalanuğa baylanıstı Qazaqstanmen ğana kelisimge kelgen joq. Onıñ resmi Mäskeudiñ özi de bar. Sol kezdegi kelisim boyınşa jük tasımalınıñ bir böligi Reseydiñ Ul'yanovsk aumağı arqılı ötui tiis bolğan. Biraq Resey bwl kelisimnen 2015 jılı şığıp ketti. Osıdan keyin AQŞ Gruziya. Äzirbayjan, Qazaqstan jäne Özbekstanmen jaña kelisim jasadı. Osı jağdaylardan keyin özin «starşi brat» esebinde köretin Mäskeu resmi Astananıñ latın ädipbiine köşu jönindegi bastamasın, BWW-nıñ Qauipsizdik keñesinde özin qoldamauın auır qabıldadı. Negizinde soñğı uaqıttarı Resey baspasözinde bolıp jatqan dünielerdiñ barlığı Qazaqstan prezidentine bağıtalıp jatqan siyaqtı äser qaldıradı. Eger bwl şın mäninde solay bolatın bolsa, onda Resey «patriottarı» aqparattıq şabuılın mamır ayında Özbekstan prezidenti Şavkat Mirzieev AQŞ-qa resmi is-saparmen barıp kelgenen keyin Taşkentke bağıttauı mümkin.»

Esteriñizge salayıq, osıdan birneşe kün bwrın Resey BAQ ökilderi "Qazaqstan Kaspiydegi öz porttarın AQŞ äskeri teñiz küşterine jalğa bermek" - degen sarındağı materialdarın birinen soñ biri qarşa boratqan. Osıdan keyin 26 säuir küni Qazaqstannıñ Reseydegi elşiligi "Resey BAQ ökilderiniñ aqparattarı şındıqqa janaspaydı. Bwnıñ barlığı jalğan aqparattar" - degen mälimdeme jasağan.

“The Qazaq Times”