«Jumhuriet» basılımı basılımınıñ jurnalisteri sottaldı. Foto: BBC.

Birer kün bwrın Türkiya sotı «Jumhuriet» (Respublika) attı oppoziciyalıq basılımınıñ 13 jurnalisin terrorlıq wyımğa qoldau körsetti degen ayıppen qamau jazasına kesken edi. Degenmen, sot isti şeşkenşe birqatar jurnalister bostandıqta boladı. Sot ükiminde atalğan basılımnıñ qızmetkerlerine, «Kürdistan Jwmısşılar partiyasına» jäne 2016 jılğı äskeri töñkeriske qatısı bar delingen, Fethullah Gülenniñ «Revolyuciyalıq eldik bostandıq maydanı partiyasına» qoldau körsetken delingen.

«Jumhuriet» täuelsiz basılımınıñ negizi 1924 jılı qalanğan. Ol qazirgi kezeñde prezidenti Rejep Tayıp Erdoğanğa qarsı oppoziciyalıq bağıttı wstanıp, onıñ sayasatın sınğa alatın maqalalardı jariyalap kelgen. Sot ükiminde atalğan basılımnıñ jwrtqa tanımal avtorları da bar. Sonıñ biri jurnalistik zertteu jwmıstarı jinaqtalğan «Imamnıñ armiyası» attı kitabı arqılı, Gülen jaqtastarınıñ Türkiya biligindegi ıqpalın aşıp körsetken Ahmet Şit. Oğan sot tarabı 7 jıl 6 ay qamau jazasın kesken.

Al bas redaktorı Mwrat Sabınçı 7 jarım jılğa, buhgalteri Emre Iperdi terrorizmdi nasihattağan degen ayıppen 3 jılğa, basılımda jariyalanğan karikaturalarımen tanımal bolğan Mwsa Qart 3 jıl 9 ayğa,  basılımnıñ atqaruşı direktorı Akina Atalaydı 7 jıl qamau jazasına kesken. Atalaydıñ qamauğa alınğanına bir jarım jıl bolğan. Bwdan özge jurnalister sottıñ soñğı ükimine deyin bostandıqta bolmaq.

Atalaydıñ jurnalisterge bergen mälimetiniñ birinde, bilik taraptarı «äriptesterin barımtağa alıp», basılımdı satuğa mäjbürlep otırğanın aytqan. Ol sözinde: «Bwl basılımdı aqşağa satıp aluğa bolmaydı. Bizdiñ äriptester jurnalistikamen jağalausudıñ qanday bolatının körsetetin boladı», – dedi.

Qazirgi tañda «Jumhuriet» basılımı Türkiyadağı oppoziciyalıq bağıttağı sanaulı basılımdardıñ biri. Türkiya ükimetine söz bostandığına qısım tüsirude degen ayıptar osığan deyin de aytılıp kelgen. Naurız ayında ğana Gülenmen qatısı bar delingen 25 jurnalistke sot ükimi şıqqan bolatın. Bwl isti Jurnalisterdiñ qwqığın qorğauşı halıqaralıq komitet qatañ ayıptağan bolatın. Atalğan komitet mälimdemesinde: «Türik biligi jurnalistikanı terrorizmge balağanın toqtatsın jäne öz mindetin atqarğanı üşin türmege jabılğan jurnalisterdi bosatsın», – degen.

“The Qazaq Times”