foto: pakistanpoint.com

Terrorlıq wyım dep tanılğan Fethulla Gülenniñ Päkistandağı bilim ordası  Türkiya qorına berildi.

(FETÖ) degen esimmen köpşilikke tanıs mektepti Türkiya memleketine tapsıru turalı ükimdi Päkistannıñ Joğarğı sotı şığardı. Osılayşı, endi bilim ordası Pak-Türk qorınıñ qaramağında bolıp, tolıqtay Türkiya esebinen qamtamasız etiletin boladı.

2018 jıldıñ 28 jeltoqsanında Päkistannıñ Joğarğı sotı Fethulla Gülen jasağın terrorlıq wyım qatarına engizgen bolatın. Sonımen birge, Päkistan aumağındağı barlıq mektepterdi Türkiya qorına beru turalı ükim şığardı.

Qazaqstanda 1993 jıldan 1997 jıldar aralığında «Qazaq-Türik bilim beru qorı» dep tanımal bolğan orın birte-birte keşenge wlasqan. 29 licey men bir orta bilim beru kolledji jwmıs istep kelgen mekemeler sol uaqıtta Gülenmen baylanısı bar ekendigin köptegen jandar bile bermedi. Qazirgi tañda bwl wyımda Qazaqstannıñ neşe mıñ azamatı bar ekeni belgisiz. Alayda, älemniñ 140 elinen bilim ordasın aşqan Fethulla Gülenniñ milliondağan jasağınan qazaqstannan da müşe bolğandar jetkilikti ekendigi ras.

Halıqaralıq sarapşılardıñ pikirinşe, soñğı jağdayğa baylanıstı  bizdiñ qwzırlı orındar qanday şeşim qabıldaytındığı belisiz. Äytse de, terrorlıq wyım dep tanılğan Gülen mektepterine bizdiñ elimizde erkindik beru, keler qauipke esikti ayqara aşıp bergenmen birdey ekendigin alğa tartuda.

Esteriñizge sala keteyik, 2016 jılı şildeniñ 15-inen 16-na qarağan tüni Fethulla Gülen jasaqtarımen eldegi bilikti äskeri küşpen tartıp almaq bolğan. Alayda, Türkiya prezidenti Rejep Tayıp Erdoğan men äskeri küş sarbazdarı mwnday jağdayğa toytarıs berip, bilikti saqtap qala bildi. Atalğan oqiğanıñ saldarınan 251 adam qaza tapqan. Bwl oqiğadan keyin, Erdoğan birneşe märte AQŞ biligine Fethulla Gülendi Türkiya biligine tapsırudı talap etken bolatın. Biraq, Türkiyanıñ işki jağdayına aralaspaymız dep basın daudan ala qaşqan AQŞ ükimeti Türkiya talabın äli künge deyin orındamay keledi.

 

"The Qazaq Times"