Qazaqstan prezidenti Nwrswltan Nazarbaev pen Qıtay basşısı Şi Jinpiñ Foto: "Liter"gazeti.

Nwrswltan Nazarbaev resmi is-saparmen Qıtayğa barmaq.

Säuir ayınıñ 24-i küni Sırtqı ister ministri Qayrat Äbdirahmanov resmi is-saparmen Qıtayğa bardı. İs-sapar barısında ol qıtaylıq äriptesi Van Imen kezdesti. QR Sırtqı ister ministrligi baspasöz qızmeti taratqan mälimet boyınşa, Äbdirahmanov pen Van I qazaq-qıtay qarım-qatınası jöninde jäne Nwrswltan Nazarbaevtıñ alda kele jatqan resmi is-saparına baylanıstı wyımdastıru jwmıstırı jöninde kelissözder jürgizgen.

Sonımen qatar Qayrat Äbdirahmanov Van Imen kezdesu barısında eki el azamattarınıñ qauipsizdigi men adam qwqığı jäne su resurstarın tiimdi paydalanu jöninde mälimdeme jasağan.

Esteriñizge salayıq, säuir ayınıñ 24-i küni Almatı qalasında Qıtaydağı qazaqtardıñ jergilikti bilik tarapınan körip jatqan qısımı men qudalauına baylanıstı qoğamdıq qabıldau ötken. Jiınğa ziyalı qauım ökilderi, azamattıq belsendiler, oppoziciyalıq sayasatkerler men Qıtayda qamauda otırğan qandastarımızdıñ tuıstarı qatısqan. Olar el prezidenti Nwrswltan Nazarbaevtan atalmış jağdayğa baylanıstı araşa swrap, arnayı qarar qabıldağan.

“The Qazaq Times”