قازاقستان پرەزيدەنتى نۇرسۇلتان نازارباەۆ پەن قىتاي باسشىسى شي جينپيڭ فوتو: "ليتەر"گازەتى.

نۇرسۇلتان نازارباەۆ رەسمي ءىس-ساپارمەن قىتايعا بارماق.

ءساۋىر ايىنىڭ 24-ءى كۇنى سىرتقى ىستەر ءمينيسترى قايرات ءابدىراحمانوۆ رەسمي ءىس-ساپارمەن قىتايعا باردى. ءىس-ساپار بارىسىندا ول قىتايلىق ارىپتەسى ۆان يمەن كەزدەستى. قر سىرتقى ىستەر مينيسترلىگى ءباسپاسوز قىزمەتى تاراتقان مالىمەت بويىنشا، ءابدىراحمانوۆ پەن ۆان ي قازاق-قىتاي قارىم-قاتىناسى جونىندە جانە نۇرسۇلتان نازارباەۆتىڭ الدا كەلە جاتقان رەسمي ءىس-ساپارىنا بايلانىستى ۇيىمداستىرۋ جۇمىستىرى جونىندە كەلىسسوزدەر جۇرگىزگەن.

سونىمەن قاتار قايرات ءابدىراحمانوۆ ۆان يمەن كەزدەسۋ بارىسىندا ەكى ەل ازاماتتارىنىڭ قاۋىپسىزدىگى مەن ادام قۇقىعى جانە سۋ رەسۋرستارىن ءتيىمدى پايدالانۋ جونىندە مالىمدەمە جاساعان.

ەستەرىڭىزگە سالايىق، ءساۋىر ايىنىڭ 24-ءى كۇنى الماتى قالاسىندا قىتايداعى قازاقتاردىڭ جەرگىلىكتى بيلىك تاراپىنان كورىپ جاتقان قىسىمى مەن قۋدالاۋىنا بايلانىستى قوعامدىق قابىلداۋ وتكەن. جيىنعا زيالى قاۋىم وكىلدەرى، ازاماتتىق بەلسەندىلەر، وپپوزيتسيالىق ساياساتكەرلەر مەن قىتايدا قاماۋدا وتىرعان قانداستارىمىزدىڭ تۋىستارى قاتىسقان. ولار ەل پرەزيدەنتى نۇرسۇلتان نازارباەۆتان اتالمىش جاعدايعا بايلانىستى اراشا سۇراپ، ارنايى قارار قابىلداعان.

“The Qazaq Times”