Foto: Fokus.ua

Qazaqstanda halıq köp jinalatın 110 mıñnan astam ğimaratqa ört qauipsizdigine baylanıstı tekseru jwmıstarı jürgizilmegen.

Bügin mäjilis otırısında söz söylegen Aq jol partiyasınıñ deputatı Azat Peruaşev Reseydiñ Kemerovo qalasında bolğan örtten keyin Qazaqstandağı halıq köp jinalatın orındarğa baylanıstı mälimdeme jasadı. Onda ol: «Osıdan eki jıl bwrın «Aq jol» frakciyasınıñ deputattarı İşki ister ministrligine biik ğimarattardağı ört qauipsizdiginiñ saqtalmaytındığın aytıp, deputattıq saual joldağan. İİM bizdiñ saualımız ben kelisetindigin sol uaqıtta 140 mıñ ğimarattıñ 29-ı tekseruden ötkendigin mälimdegen. Bir sözben aytqanda 110 mıñ ğimarat ört qauipsizdigine mülde tekserilmegen. Bizdiñ deputtatıq saualımızdan keyin eki aptadan soñ 2016 jıldıñ 6 qaraşasında «Almaty Town» batut ortalığında ört bolıp, 6 student bala köz jwmdı» - degen.

Esteriñizge salayıq, 25 naurız küni Reseydiñ Kemerovo qalasında «Zimnyaya vişnya» sauda ortalığı örtke oranıp, 64 adam köz jwmğan. Keyinnen bwl oqiğa äleumettik jeliler men belsendi azamattar arasında qızu talqılanıp, «bizdegi sauda ortalıqtarındağı ört qauipsizdigi qanday jağdayda?» - degen swraqqa jauap izdey bastağan.

“The Qazaq Times”