فوتو: فوكۋس.ua

قازاقستاندا حالىق كوپ جينالاتىن 110 مىڭنان استام عيماراتقا ءورت قاۋىپسىزدىگىنە بايلانىستى تەكسەرۋ جۇمىستارى جۇرگىزىلمەگەن.

بۇگىن ءماجىلىس وتىرىسىندا ءسوز سويلەگەن اق جول پارتياسىنىڭ دەپۋتاتى ازات پەرۋاشەۆ رەسەيدىڭ كەمەروۆو قالاسىندا بولعان ورتتەن كەيىن قازاقستانداعى حالىق كوپ جينالاتىن ورىندارعا بايلانىستى مالىمدەمە جاسادى. وندا ول: «وسىدان ەكى جىل بۇرىن «اق جول» فراكتسياسىنىڭ دەپۋتاتتارى ىشكى ىستەر مينيسترلىگىنە بيىك عيماراتتارداعى ءورت قاۋىپسىزدىگىنىڭ ساقتالمايتىندىعىن ايتىپ، دەپۋتاتتىق ساۋال جولداعان. ءىىم ءبىزدىڭ ساۋالىمىز بەن كەلىسەتىندىگىن سول ۋاقىتتا 140 مىڭ عيماراتتىڭ 29-ى تەكسەرۋدەن وتكەندىگىن مالىمدەگەن. ءبىر سوزبەن ايتقاندا 110 مىڭ عيمارات ءورت قاۋىپسىزدىگىنە مۇلدە تەكسەرىلمەگەن. ءبىزدىڭ دەپۋتتاتىق ساۋالىمىزدان كەيىن ەكى اپتادان سوڭ 2016 جىلدىڭ 6 قاراشاسىندا «Almaty Town» باتۋت ورتالىعىندا ءورت بولىپ، 6 ستۋدەنت بالا كوز جۇمدى» - دەگەن.

ەستەرىڭىزگە سالايىق، 25 ناۋرىز كۇنى رەسەيدىڭ كەمەروۆو قالاسىندا «زيمنيايا ۆيشنيا» ساۋدا ورتالىعى ورتكە ورانىپ، 64 ادام كوز جۇمعان. كەيىننەن بۇل وقيعا الەۋمەتتىك جەلىلەر مەن بەلسەندى ازاماتتار اراسىندا قىزۋ تالقىلانىپ، «بىزدەگى ساۋدا ورتالىقتارىنداعى ءورت قاۋىپسىزدىگى قانداي جاعدايدا؟» - دەگەن سۇراققا جاۋاپ ىزدەي باستاعان.

“The Qazaq Times”