Foto: RIA Novosti.

Özbekstan prezidenti Şavkat Mirzieev Auğanstan biligi men Taliban qozğalısın tikeley dialogqa keluge şaqırdı.

Taşkent qalasında ötip jatqan «Auğanstan dağdarısın retteu» konferenciyasınıñ aşılu saltanatında söz söylegen Şavkat Mirzieev: «Auğanstannıñ işki sayasatında resmi Kabul men oppoziciyalıq toptar, onıñ işinde «Taliban» qozğalısı eşqanday talapsız tikeley dialog ornatuı tiis. Bwl mäseleni keyinge qaldırmau kerek. Öytpegen jağdayda tağıda mıñdağan adamnıñ qanı tögiledi» - degen.

Esteriñizge salayıq, qazirgi tañda Taşkent qalasında «Auğanstan dağdarısın retteuge» baylanıstı halıqaralıq konferenciya ötude. Özbekstan resmi organdarınıñ mälimetinşe, konferenciyağa Ortalıq Aziya elderiniñ sırtqı ister ministrleri, Euroodaq sırtqı sayasat qızmetiniñ basşısı Federik Mogerini, AQŞ memlekettik hatşısınıñ sayasi ister boyınşa orınbasarı Tomas Şenon, BWW törağasınıñ Auğanstan boyınşa arnayı orınbasarı Tadamiçi YAmamoto jäne Resey sırtqı ister ministri Sergey Lavrov qatısuda. Bwdan bölek Özbekstan astanasına Auğanstan, Päkistan, Wlıbritaniya, Germaniya, Italiya, Franciya, BAÄ jäne Japoniyadan arnayı ökilder at basın bwrğan.

“The Qazaq Times”