وزبەكستان پرەزيدەنتى شاۆكات ميرزيەەۆ اۋعانستان بيلىگى مەن تاليبان قوزعالىسىن تىكەلەي ديالوگقا كەلۋگە شاقىردى.

تاشكەنت قالاسىندا ءوتىپ جاتقان «اۋعانستان داعدارىسىن رەتتەۋ» كونفەرەنتسياسىنىڭ اشىلۋ سالتاناتىندا ءسوز سويلەگەن شاۆكات ميرزيەەۆ: «اۋعانستاننىڭ ىشكى ساياساتىندا رەسمي كابۋل مەن وپپوزيتسيالىق توپتار، ونىڭ ىشىندە «تاليبان» قوزعالىسى ەشقانداي تالاپسىز تىكەلەي ديالوگ ورناتۋى ءتيىس. بۇل ماسەلەنى كەيىنگە قالدىرماۋ كەرەك. ويتپەگەن جاعدايدا تاعىدا مىڭداعان ادامنىڭ قانى توگىلەدى» - دەگەن.

ەستەرىڭىزگە سالايىق، قازىرگى تاڭدا تاشكەنت قالاسىندا «اۋعانستان داعدارىسىن رەتتەۋگە» بايلانىستى حالىقارالىق كونفەرەنتسيا وتۋدە. وزبەكستان رەسمي ورگاندارىنىڭ مالىمەتىنشە، كونفەرەنتسياعا ورتالىق ازيا ەلدەرىنىڭ سىرتقى ىستەر مينيسترلەرى، ەۋرووداق سىرتقى ساياسات قىزمەتىنىڭ باسشىسى فەدەريك موگەريني، اقش مەملەكەتتىك حاتشىسىنىڭ ساياسي ىستەر بويىنشا ورىنباسارى توماس شەنون، بۇۇ توراعاسىنىڭ اۋعانستان بويىنشا ارنايى ورىنباسارى تاداميچي ياماموتو جانە رەسەي سىرتقى ىستەر ءمينيسترى سەرگەي لاۆروۆ قاتىسۋدا. بۇدان بولەك وزبەكستان استاناسىنا اۋعانستان، پاكىستان، ۇلىبريتانيا، گەرمانيا، يتاليا، فرانتسيا، ءباا جانە جاپونيادان ارنايى وكىلدەر ات باسىن بۇرعان.

“The Qazaq Times”