NASA älemniñ tükpir-tükpirindegi wşaqtardıñ bağıtın baqılap otıratın arnayı jüyeni  jasap şığaru jwmıstarın bastap ketti. Bwl turalı agenttik saytında jariyalanğan.

Qazir äue kölikterin arnayı jer radiolokaciyalıq stanciyaları (RLS) arqılı baqılaydı. Tömengi jiilikte bolğandıqtan, bwl jüye joğarı jıldamdıqta dispetçerlermen aqparat almasuğa mümkindik bermeydi.

Bazalıq konfiguraciyadağı AppSTAR jaña jüyesi ADS-B-taratqış wşağı arqılı signal  taratadı dep jobalanğan. Bwl tehnologiyanıñ aviadispetçer men pilottar üşin äue joldarınıñ trafigin baqılaytın   arnayı displeyi bar. Taraqıştan keletin signal Iridum Next sputnigine (10-ın iske qosqan) kelip tüsedi.

Boljam boyınşa, wşaqtardıñ äue bağıtın baqılap otıru oğan ketetin otın şığının azaytuğa, apparattar arasındağı ara-qaşıqtıqtı twraqtı wstap twruğa mümkindik tuadı. Oğan qosa, mwnday monitoring apat jağdayında  qwtqaru operaciyasın ötkizudi jeñildetedi. AppSTAR radiobaylanıs jüyesin amerikalıq Harris Corporation-men  NASA jasap şığaradı.

«The Qazaq Times»