Ümit Şayahmetova, "Halıq bank" AQ törağası. Foto: Kursiv.kz

Eger kredit räsimdeu kezinde alınatın komissiyanı nemese payızdı alıp tastap, populizmge jol berilse, onda memleket ünemi bank sektorın qoldauına tura keledi. Bwl turalı «Halıq bank» AQ basqarma törağası Ümit Şayahmetova mälimdedi. 

«Biz Wlttıq banktiñ osınday bastaması bar ekenin körip otırmız. Biz mwnday bastamalardıñ bärine qatısamız, talqılaymız. Jalpı, biz birge jwmıs isteymiz. YAğni, bwl bank qauımdastığımen birge jasalğan közqaras. Biraq bank biznesi – ol mindetti türde komissiyalıq kiriske süyenedi. Barlıq jerde, älemde de kerisinşe, bank komissiyası jaqsı bolsa, ol biznestiñ kemeldi ekenin körsetedi. YAğni bankterge tek payızdıq kiristerdi qaldıruğa bolmaydı. Mümkin payızdıq kirister - bwl täuekeli joğarı kreditter şığar. Şın mäninde bwl (komissiya alu -red.) bank sektorında bar älemdik praktika, älemdik standart. Sondıqtan payızdı, komissiyanı alıp tastap, populizmge jol berer bolsaq, onda memleket ünemi bankterge qoldau körsetumen boladı nemese bank qızmetin toqtatadı», - dedi Halıq bank basşısı.

Ayta keteyik, osıdan biraz apta bwrın Ädilet ministri Marat Beketaev menşik qwqığın jäne arbitrajdı qorğaudı küşeytu mäseleleri boyınşa özgerister men tolıqtırular engizu turalı zañ jobasın tanıstıru kezinde kredit beru jäne qızmet körsetu kezinde alınatın komissiyanı joyu wsınısı jayında aytqan edi.

Bwdan bölek, Halıq bank basşısı QR prezidentiniñ "7-20-25" bağdarlamasına  qatıstı da pikirin bildirdi.

«Biz bwl bağdarlamanı qoldaymız. Halıq üşin, Qazaqstan üşin qalıptı jäne pozitivti bağdarlama dep esepteymin. 7 payızben 25 jılğa ipotekamen öte arzan üy alu mümkindik bar. Bwl halıqtı üzdiksiz qoldau. Alayda biz qazirgi kezde bwl bağdarlamanıñ naqtılığın, qalay, qanday mehanizmder arqılı orındalatının, bilmeymiz. Äzirge tek ekinşi deñgeyli bankter arqılı berilgen kreditterdi satıp alu boyınşa Wlttıq bank tarapınan eşiles kompaniya qwrılatını jariyalandı. Biraq meniñ oyımşa, bwl öte kürdeli jüye. Onı baqılau öte qiın boladı. Biz negizinen äldeqayda qarapayım nwsqanı wsınğan bolatınbız. Ol qarajattı ekinşi deñgeyli bankter arqılı 3 payız mölşerlememen ornalastıru, bank marjası 4 payız, qarız aluşı üşin soñğı mölşerleme 7 payızdı qwraydı. Atalğan bağdarlama osı nwsqa arqılı qarajattı jıldam igeruge, tikeley  ipotekalıq nesie beru kezinde qarajattıñ jalpı qoldanıluın baqılauğa mümkindik berer edi. Eger esteriñizde bolsa, 2009 jılı osınday bağdarlama bolğan, dağdarıstan keyin memlekettik qoldau arqılı eki aydıñ işinde öte kölemdi qarajattı igergen bolatınbız. Endi bwl meniñ oyım. Al onıñ qalay bolatının, qalay jüzege asatının biz bilmeymiz. Alayda men mwnı öte pozitivti bağdarlama dep esepteymin», - dedi Şayahmetova.

“The Qazaq Times”