ەگەر كرەديت راسىمدەۋ كەزىندە الىناتىن كوميسسيانى نەمەسە پايىزدى الىپ تاستاپ، پوپۋليزمگە جول بەرىلسە، وندا مەملەكەت ۇنەمى بانك سەكتورىن قولداۋىنا تۋرا كەلەدى. بۇل تۋرالى «حالىق بانك» اق باسقارما توراعاسى ءۇمىت شاياحمەتوۆا مالىمدەدى. 

«ءبىز ۇلتتىق بانكتىڭ وسىنداي باستاماسى بار ەكەنىن كورىپ وتىرمىز. ءبىز مۇنداي باستامالاردىڭ بارىنە قاتىسامىز، تالقىلايمىز. جالپى، ءبىز بىرگە جۇمىس ىستەيمىز. ياعني، بۇل بانك قاۋىمداستىعىمەن بىرگە جاسالعان كوزقاراس. بىراق بانك بيزنەسى – ول مىندەتتى تۇردە كوميسسيالىق كىرىسكە سۇيەنەدى. بارلىق جەردە، الەمدە دە كەرىسىنشە، بانك كوميسسياسى جاقسى بولسا، ول بيزنەستىڭ كەمەلدى ەكەنىن كورسەتەدى. ياعني بانكتەرگە تەك پايىزدىق كىرىستەردى قالدىرۋعا بولمايدى. مۇمكىن پايىزدىق كىرىستەر - بۇل تاۋەكەلى جوعارى كرەديتتەر شىعار. شىن مانىندە بۇل (كوميسسيا الۋ -رەد.) بانك سەكتورىندا بار الەمدىك پراكتيكا، الەمدىك ستاندارت. سوندىقتان پايىزدى، كوميسسيانى الىپ تاستاپ، پوپۋليزمگە جول بەرەر بولساق، وندا مەملەكەت ۇنەمى بانكتەرگە قولداۋ كورسەتۋمەن بولادى نەمەسە بانك قىزمەتىن توقتاتادى»، - دەدى حالىق بانك باسشىسى.

ايتا كەتەيىك، وسىدان ءبىراز اپتا بۇرىن ادىلەت ءمينيسترى مارات بەكەتاەۆ مەنشىك قۇقىعىن جانە اربيتراجدى قورعاۋدى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن تانىستىرۋ كەزىندە كرەديت بەرۋ جانە قىزمەت كورسەتۋ كەزىندە الىناتىن كوميسسيانى جويۋ ۇسىنىسى جايىندا ايتقان ەدى.

بۇدان بولەك، حالىق بانك باسشىسى قر پرەزيدەنتىنىڭ "7-20-25" باعدارلاماسىنا  قاتىستى دا پىكىرىن ءبىلدىردى.

«ءبىز بۇل باعدارلامانى قولدايمىز. حالىق ءۇشىن، قازاقستان ءۇشىن قالىپتى جانە ءپوزيتيۆتى باعدارلاما دەپ ەسەپتەيمىن. 7 پايىزبەن 25 جىلعا يپوتەكامەن وتە ارزان ءۇي الۋ مۇمكىندىك بار. بۇل حالىقتى ۇزدىكسىز قولداۋ. الايدا ءبىز قازىرگى كەزدە بۇل باعدارلامانىڭ ناقتىلىعىن، قالاي، قانداي مەحانيزمدەر ارقىلى ورىندالاتىنىن، بىلمەيمىز. ازىرگە تەك ەكىنشى دەڭگەيلى بانكتەر ارقىلى بەرىلگەن كرەديتتەردى ساتىپ الۋ بويىنشا ۇلتتىق بانك تاراپىنان ەشىلەس كومپانيا قۇرىلاتىنى جاريالاندى. بىراق مەنىڭ ويىمشا، بۇل وتە كۇردەلى جۇيە. ونى باقىلاۋ وتە قيىن بولادى. ءبىز نەگىزىنەن الدەقايدا قاراپايىم نۇسقانى ۇسىنعان بولاتىنبىز. ول قاراجاتتى ەكىنشى دەڭگەيلى بانكتەر ارقىلى 3 پايىز مولشەرلەمەمەن ورنالاستىرۋ، بانك مارجاسى 4 پايىز، قارىز الۋشى ءۇشىن سوڭعى مولشەرلەمە 7 پايىزدى قۇرايدى. اتالعان باعدارلاما وسى نۇسقا ارقىلى قاراجاتتى جىلدام يگەرۋگە، تىكەلەي  يپوتەكالىق نەسيە بەرۋ كەزىندە قاراجاتتىڭ جالپى قولدانىلۋىن باقىلاۋعا مۇمكىندىك بەرەر ەدى. ەگەر ەستەرىڭىزدە بولسا، 2009 جىلى وسىنداي باعدارلاما بولعان، داعدارىستان كەيىن مەملەكەتتىك قولداۋ ارقىلى ەكى ايدىڭ ىشىندە وتە كولەمدى قاراجاتتى يگەرگەن بولاتىنبىز. ەندى بۇل مەنىڭ ويىم. ال ونىڭ قالاي بولاتىنىن، قالاي جۇزەگە اساتىنىن ءبىز بىلمەيمىز. الايدا مەن مۇنى وتە ءپوزيتيۆتى باعدارلاما دەپ ەسەپتەيمىن»، - دەدى شاياحمەتوۆا.

“The Qazaq Times”