Baqıt Swltanov, QR Qarjı ministri.

Osı jıldıñ ötken eki ayınıñ qorıtındısı boyınşa memlekettik byudjet proficitpen atqarıldı. Oğan negizinen jergilikti byudjettiñ jospardan asıra orındaluı sebep. Jalpı barlıq deñgeylerde kirister artığımen orındaldı. bwl turalı bügin QR Qarjı ministri Baqıt Swltanov mälimdedi.

Onıñ sözinşe, şığıstardıñ igerilu payızı bıltırğı jıldıñ osınday kezeñine qarağanda joğarı.

"Memlekettik byudjettiñ kiristeri eseptilik kezeñniñ josparına qarağanda 9,9 payızğa, olardıñ işinde respublikalıq kirister 2,4 payızğa, jergilikti byudjet 32,2 payızğa asıra orındaldı. Respublikalıq byudjetke 930 mlrd teñge kiris tüsti, bwl jospardan tıs 21,5 mlrd teñgege, al bıltırğı jıldıñ eki ayınıñ körsetkişinen 60 mlrd teñgege artıq. Bıltırğı jıldıñ eki ayına qarağanda ösu qarqını – 6,9 payız. Jospardıñ asıra orındaluı negizinen paydalı qazbalar öndiru salığı boyınşa jüzege astı. Bwğan  metaldıñ ortaşa bağasınıñ 14 payızğa ösui sebep boldı", - dedi Swltanov ükimet jiınında.

Ministrdiñ sözinşe, osımen birge birqatar iri salıq töleuşilerden tüsimberdiñ azayuına baylanıstı kooparativti tabıs salığı 84 payızğa ğana orındalıp, byudjetke 46 mlrd teñge qarajat tüspey qalğan.

"Jergiliki byudjetterdiñ öz kiristeri 99 mlrd teñgege artıq orındalıp, 408 mlrd teñgeni qwradı. Asıra orındalu somasınıñ 83 mlrd teñgesi salıqtarğa keledi. barlıq öñirlerde kiristerdiñ josparı artığımen orındaldı.

Al memlekettik byudjet şığıstarı 91,1 payızğa, respublikalıq – 91,6 payızğa, jergiliti byudjetter 94,6 payızğa atqarıldı. Respublikalıq byudjet şığıstarı 1 trln 519 mlrd teñgeni qwrağan.

"Byudjet qarajatı 139 mlrd teñgesi atqarılmadı. Onıñ 10 mlrd teñgesi ünemdeu boldı.  Al igerilmegen soma 129 mlrd teñgeni qwradı. Bwl ötken jıldıñ osı kezeñindegi körsetkiştermen salıstırğanda 16 mlrd teñgege az bolsa da, qomaqtı soma. Jalpı respublikalıq byudjet şığıstarınıñ igerilmeu somasınıñ 52 payızı Qorğanıs ministrligine qatıstı. Bastı sebebi – memlekettik qorğanıs tabısın bekitu turalı ükimettiñ qaulısın uaqıtında dayındamau", - dedi ministr.

“The Qazaq Times”