باقىت سۇلتانوۆ، قر قارجى ءمينيسترى.

وسى جىلدىڭ وتكەن ەكى ايىنىڭ قورىتىندىسى بويىنشا مەملەكەتتىك بيۋدجەت پروفيتسيتپەن اتقارىلدى. وعان نەگىزىنەن جەرگىلىكتى بيۋدجەتتىڭ جوسپاردان اسىرا ورىندالۋى سەبەپ. جالپى بارلىق دەڭگەيلەردە كىرىستەر ارتىعىمەن ورىندالدى. بۇل تۋرالى بۇگىن قر قارجى ءمينيسترى باقىت سۇلتانوۆ مالىمدەدى.

ونىڭ سوزىنشە، شىعىستاردىڭ يگەرىلۋ پايىزى بىلتىرعى جىلدىڭ وسىنداي كەزەڭىنە قاراعاندا جوعارى.

"مەملەكەتتىك بيۋدجەتتىڭ كىرىستەرى ەسەپتىلىك كەزەڭنىڭ جوسپارىنا قاراعاندا 9,9 پايىزعا، ولاردىڭ ىشىندە رەسپۋبليكالىق كىرىستەر 2,4 پايىزعا، جەرگىلىكتى بيۋدجەت 32,2 پايىزعا اسىرا ورىندالدى. رەسپۋبليكالىق بيۋدجەتكە 930 ملرد تەڭگە كىرىس ءتۇستى، بۇل جوسپاردان تىس 21,5 ملرد تەڭگەگە، ال بىلتىرعى جىلدىڭ ەكى ايىنىڭ كورسەتكىشىنەن 60 ملرد تەڭگەگە ارتىق. بىلتىرعى جىلدىڭ ەكى ايىنا قاراعاندا ءوسۋ قارقىنى – 6,9 پايىز. جوسپاردىڭ اسىرا ورىندالۋى نەگىزىنەن پايدالى قازبالار ءوندىرۋ سالىعى بويىنشا جۇزەگە استى. بۇعان  مەتالدىڭ ورتاشا باعاسىنىڭ 14 پايىزعا ءوسۋى سەبەپ بولدى", - دەدى سۇلتانوۆ ۇكىمەت جيىنىندا.

ءمينيستردىڭ سوزىنشە، وسىمەن بىرگە بىرقاتار ءىرى سالىق تولەۋشىلەردەن تۇسىمبەردىڭ ازايۋىنا بايلانىستى كووپاراتيۆتى تابىس سالىعى 84 پايىزعا عانا ورىندالىپ، بيۋدجەتكە 46 ملرد تەڭگە قاراجات تۇسپەي قالعان.

"جەرگىلىكى بيۋدجەتتەردىڭ ءوز كىرىستەرى 99 ملرد تەڭگەگە ارتىق ورىندالىپ، 408 ملرد تەڭگەنى قۇرادى. اسىرا ورىندالۋ سوماسىنىڭ 83 ملرد تەڭگەسى سالىقتارعا كەلەدى. بارلىق وڭىرلەردە كىرىستەردىڭ جوسپارى ارتىعىمەن ورىندالدى.

ال مەملەكەتتىك بيۋدجەت شىعىستارى 91,1 پايىزعا، رەسپۋبليكالىق – 91,6 پايىزعا، جەرگىلىتى بيۋدجەتتەر 94,6 پايىزعا اتقارىلدى. رەسپۋبليكالىق بيۋدجەت شىعىستارى 1 ترلن 519 ملرد تەڭگەنى قۇراعان.

"بيۋدجەت قاراجاتى 139 ملرد تەڭگەسى اتقارىلمادى. ونىڭ 10 ملرد تەڭگەسى ۇنەمدەۋ بولدى.  ال يگەرىلمەگەن سوما 129 ملرد تەڭگەنى قۇرادى. بۇل وتكەن جىلدىڭ وسى كەزەڭىندەگى كورسەتكىشتەرمەن سالىستىرعاندا 16 ملرد تەڭگەگە از بولسا دا، قوماقتى سوما. جالپى رەسپۋبليكالىق بيۋدجەت شىعىستارىنىڭ يگەرىلمەۋ سوماسىنىڭ 52 پايىزى قورعانىس مينيسترلىگىنە قاتىستى. باستى سەبەبى – مەملەكەتتىك قورعانىس تابىسىن بەكىتۋ تۋرالى ۇكىمەتتىڭ قاۋلىسىن ۋاقىتىندا دايىنداماۋ", - دەدى مينيستر.

“The Qazaq Times”