Foto: RFE/RL

Türkimenstannıñ Azatlık basılımı eldiñ birneşe aymağında memlekettik mekemelerde kezekti qısqartu bastalğalı jatqanın habarladı.

Ortalıq Aziya jañalıqtar qızmetiniñ mälimetine qarağanda, Türkimenstandağı bilim jäne mädeniet salasındağı qızmetkerlerdiñ Azatlık redakciyasına jazğan birlesken hatında Aşhabadtağı kitaphanalarda, mwrajaylarda jäne mädeniet ortalıqtarında jwmıs ornı qısqartılatını aytılğan.

Azatlık redakciyası äzirge hattağı aqparattıñ rastığına dälel keltire almaydı. Biraq hatta mıñnan astam byudjettik qızmetkerdi qısqartu közdelgenin, onıñ işinde orta mekteptiñ jüzdegen mwğalimi de kiretini aytılğan.

Bıltır küzde Türkimenstannıñ medicina, bilim jäne mädeniet salasındağı zeynet jasına jetken qızmetkerlerdi qısqartu turalı biliktiñ arnayı bwyrığı şıqqanı habarlanğan.

Bıltır qaraşa ayında su şaruaşılığı jäne mwnay salasındağı qızmetkerler ştatı qısqartılğan. Jergilikti baqılauşılar sol kezde mwnı eldegi dağdarıspen baylanıstırğan.

“The Qazaq Times”