تۇركىمەنستان مەملەكەتتىك قىزمەتكەرلەر سانىن قىسقارتپاق

ورتالىق ازيا جاڭالىقتار قىزمەتىنىڭ مالىمەتىنە قاراعاندا، تۇركىمەنستانداعى ءبىلىم جانە مادەنيەت سالاسىنداعى قىزمەتكەرلەردىڭ ازاتلىك رەداكتسياسىنا جازعان بىرلەسكەن حاتىندا اشحابادتاعى كىتاپحانالاردا، مۇراجايلاردا جانە مادەنيەت ورتالىقتارىندا جۇمىس ورنى قىسقارتىلاتىنى ايتىلعان.

ازاتلىك رەداكتسياسى ازىرگە حاتتاعى اقپاراتتىڭ راستىعىنا دالەل كەلتىرە المايدى. بىراق حاتتا مىڭنان استام بيۋدجەتتىك قىزمەتكەردى قىسقارتۋ كوزدەلگەنىن، ونىڭ ىشىندە ورتا مەكتەپتىڭ جۇزدەگەن مۇعالىمى دە كىرەتىنى ايتىلعان.

بىلتىر كۇزدە تۇركىمەنستاننىڭ مەديتسينا، ءبىلىم جانە مادەنيەت سالاسىنداعى زەينەت جاسىنا جەتكەن قىزمەتكەرلەردى قىسقارتۋ تۋرالى بيلىكتىڭ ارنايى بۇيرىعى شىققانى حابارلانعان.

بىلتىر قاراشا ايىندا سۋ شارۋاشىلىعى جانە مۇناي سالاسىنداعى قىزمەتكەرلەر شتاتى قىسقارتىلعان. جەرگىلىكتى باقىلاۋشىلار سول كەزدە مۇنى ەلدەگى داعدارىسپەن بايلانىستىرعان.

“The Qazaq Times”