Aqjağalılar jiında. Körneki suret. Foto: Tengrinews / Twrar Qazanğapov

Qazaqstandağı Birikken Wlttar Wyımınıñ Damu bağdarlaması (BWWDB) men Memlekettik qızmet isteri agenttigi Qoğamdıq pikir institutınıñ memlekettik qızmetkerler etikasın bağalauğa arnalğan bıltırğı zertteu esebin bölisti.

7 mıñ respondent qatısqan saualnama memlekettik qızmet turalı zañğa özgeristerge baylanıstı ädep qağidasınnıñ saqtalu deñgeyin bağalauğa bağıttalğan.

Zertteuge memlekettik qızmetkerlerden basqa, käsipkerler men täuelsiz sarapşılar tartılğan. Qatısuşılar on baldıq bağalau jüyesi negizinde memlekettik qızmetkerlerdiñ ädep-etika deñgeyin sınap körgen.

Saualnama qorıtındısı boyınşa, on baldıq şkalanıñ tek 5,09 jinağan Joğarğı sot eñ tömengi orınnan körindi. Al eñ joğarğı bağanı cifrlıq damu  ministrligi (8,01) iemdengen.

Bağalau qorıtındısına säykes, Wlttıq qauipsizdik komiteti, Köşi-qon qızmeti komiteti, Qılmıstıq-atqaru jüyesi komiteti, Bas prokuratura, Konstituciyalıq keñes, İşki ister ministrligi, sonday-aq Densaulıq saqtau ministrligi jeti baldan tömen alğan.

Sonımen qatar, saualnamağa qatısuşılar oblıs,qala, audan äkimdik qızmetkerleriniñ minez-qwlıq erejelerine bağa berdi. Äkimdik qızmetkerleriniñ joğarğı körsetkişi Qostanay (9,08) men Jambıl (8,05) oblısına berildi. Eñ tömen körsetkiş Almatı qalası äkimdiginiñ qızmetkerlerine (4,94) tiesili. Bwdan özge  tömen bağalanğan bes öñir qatarında – Şımkent (5,25), Türkistan (5,52), Atırau (5,74), Aqmola (5,92) oblıstarı twr.

Qazaqstanda şeneunikterdiñ artıq söz aytıp ne oğaş qılıq körsetip bası dauğa qalatın kezi az az emes. 2016 jılı sol kezdegi Parlament deputatı Mwhtar Tinikeev mas küyinde Qarağandı mäslihatınıñ deputatın wrıp-soğıp, balağattağanı üşin mandatınan ayırılğan. Mäjilis deputattarınıñ arasında bıltır Baqıtbek Smağwl narazılıqqa şıqqan analardıñ birine qarata «qatın», «şabalañdama» dep bwyıra söylegen. Däl osılay wzaq jıldardan beri deputattıqta jürgen nwrotandıq Bekbolat Tileuhannıñ äleumettik jelilerdegi «asa auır qarğısı» tarap, qoğamdı tiksindirgen. Biraq bilik partiyasınıñ eki birdey deputatı eşqanday jauapqa tartılmadı.

Biıldıñ özinde Almatı mäslihatınıñ deputatı, bokstan Sidney olimpiadasınıñ çempionı Ermahan Ibraimovtıñ atı eki ret belgili boldı. Birinşisi. 10 qañtar saylau küngi narazılıqta azamattıq qoğamnıñ jas belsendilerine qarsı ses körsetip, plakatın jırtıp tastağan. Ekinşisi, aqpanda Jambıl oblısındağı Jañatas oqiğasınan keyingi swhbatında köpbalalı äyelderdiñ namısına tigen. Köptiñ şamına tigen  deputattıñ bwl äreketteri ädep keñesinde qaralğan ya qaralmağanı turalı aqparat joq.

Osığan deyin 2018 jılğı zertteude memlekettik qızmetkerlerdiñ ädeptiliginiñ ortaşa wpayı 6,88 bolğanın eskersek, «Halıq ünine qwlaq asatın memleket», «Estitin ükimet» twjırımdamasın alğa tartqan bilik ökilderi äli de söz ben isti qabıstıruda şetin qalıp otırğanın bayqau qiın emes.

“The Qazaq Times”