Foto: bb.f2.kz

"Nwrlı jol" bağdarlaması boyınşa Astana-Temirtau, Almatı-Qapşağay  jäne Almatı-Qorğas uçaskelerinde aqı töleu jüyesi osı jıldıñ ekinşi toqsanına iske qosıluı mümkin. Bwl turalı bügin ükimet jiınında QR Investiciyalar jäne damu ministri Jeñis Qasımbek mälimdedi. 

"Bastı mäselelerdiñ biri - respublikalıq mañızı bar avtomobil' joldarına aqı töleu jüyesin engizu. "Nwrlı jol" bağdarlaması ayasında ministrlik Astana-Temirtau, Almatı-Qapşagay  jäne Almatı-Qorğas uçaskelerinde aqı töleu jüyesinde qwrılıs-montajdıq jwmıstarın jürgizude. Jüyeni iske qosu biılğı jılı ekinşi toqsanına iske qosu josparlanıp otır. Sonımen qatar, jalpı wzaqtığı 5,5 mıñ şaqırım bolatın 13 uçaskede aqı alu jüyesin ornatu boyınşa jobalıq-smetalıq qwjattama äzirlenude. Onıñ işinde "Batıs Europa- Batıs Qıtay" dälizi de bar", - dedi Jeñis Qasımbek.

Ministrdiñ sözinşe, bwl jobalardı memlekettik-jekemenşik äriptestik mehanizm arqılı iske asıru josparlanıp otır. Biıl osı jıldıñ ekinşi jartısında memlekettik-jekemenşik äriptestik kelisimşartı jasalıp,  2020 jılğa deyin aqılı joldardı 6,5 mıñ şaqırımğa deyin jetkizu josparlanğan.

“The Qazaq Times”