Jañadan salınğan joldardıñ barlığı aqılı boladı. Bwl turalı QR IDM Avtomobil' joldarı komiteti törağasınıñ orınbasarı Amangeldi Bekov mälimdedi.

Elimizde osı jılı paydalanuğa beriletin aqılı joldar «Astana – Temirtau», «Almatı – Qapşağay» jäne «Almatı – Horgos» bolıp üş uçaskelik bağıtqa bölingen. Atalğan joldardıñ jalpı wzındığı 471 şaqırımdı qwraydı jäne olardıñ barlığı osı jıldıñ soñına deyin iske qosıladı dep kütilude.

Bwdan bölek biıl «Astana – Pavlodar» uçaskesi boyınşa jöndeu jwmıstarı uaqıtşa toqtatılğan. Merdiger kompaniyalardıñ aytuınşa, atalmış tas jolda jıl soñına deyin qozğalıs aşıladı.

«Özderiñizge belgili ortalıq bağıtpen qosatın Astana, Arqalıq, Qandıağaş, Irğız arqılı ötetin ülken joba bar. Qazir jobalıq-smetalıq qwjattaması äzirlenip jatır. Joba ayasındağı jwmıstar 2020-2021 jıldarı bastaladı dep josparlanıp otır. Ayta ketu kerek, bizdiñ josparımız boyınşa, jañadan salınğan joldardıñ barlığı aqılı boladı», — dedi Bekov.

“The Qazaq Times”