Qazaqstan men Özbekstan äskeri-tehnikalıq bağıtta birlesip jwmıs isteytin boldı.

Aqpan ayınıñ 23-i küni Qazaqstan men Özbekstan arasında äskeri-tehnikalıq baylanıs ornatuğa baylanıstı kelisim küşine endi. Atalmış qwjatqa qos tarap 2017 jıldıñ 16 qırküyeginde Taşkent qalasında qol qoyğan.

Özbekstan Sırtqı ister ministrliginiñ habarlauınşa, qwjat küşine engen künnen bastap, Qazaqstan men Özbekstan teñ därejede barlıq zañdıq normalardı eskere otırıp äskeri-tehnikalıq baylanıs ornatatın boladı jäne aldağı uaqıtta atalmış salanı jaña deñgeyge köteredi.

Esteriñizge salayıq, bwdan bölek Qazaqstan men Özbekstan sauda-ekonomikalıq baylanıstı da küşeytken. Bwl bağıtta eki el şekarasındağı tekseru beketteri kürdeli jöndeuden ötip, jük ötkizu qarqını birneşe esege artqan.

Jalpı, Özbekstanda bilik basına Şavkat Mirzieev kelgeli beri resmi Astana men Taşkent arasındağı qarım-qatınas damudıñ jaña deñgeyine köterilgen. Bwğan dälel Nwrswltan Nazarbaev pen Şavkat Mirzieevtıñ bastamasımen Astana qalasında Ortalıq Aziya elderi basşılarınıñ sammitiniñ ötui men eki el prezidentteriniñ jii kezdesui.

“The Qazaq Times”