foto: wassonthornhill.com

Amerikalıq jastardıñ köpşiligi kolledjde bilim alu üşin memleketten nesie aladı da, kolledjdi bitirgennen keyin birneşe jıl köleminde (jwmıs istep jürip) onı öteuge mindetteledi. Qazirgi tañda AQŞ azamattarınıñ köbisi bankrottıq turalı arız jazğan künniñ özinde özderiniñ studenttik qarızdı öteuge mäjbür (qarjılıq jağdayınıñ tım müşkil ekenin däleldey almasa). Federaldıq zañğa say, qarız aluşılar basında "tolıqqandı ömir süruge kelmeytin" qiındıqtarı bar ekenin körsetu kerek, - dep habarlaydı CNN aqparat agenttigi.

Bilim beru departamenti osı talaptı qarastırıp, qoğamnıñ osı mäselege qatıstı pikirin biluge tırısıp jatır.

Departament bwl zañdı özgerte almaydı. Onı Kongress özgerte aladı. Biraq departament bwl "qiındıqtarğa" ne jatatının anıqtay aladı. Ädette sot qarız alğan adamnan "tolıqqandı ömir süruge kelmeytin" qiındıqtarı biraz uaqıtqa sozılıp ketkenin nemese onıñ rasımen jağdayın jöndeuge tırısqanın, şınımen bankrottıq jağdayda ekenin däleldeudi talap etedi.

Zañgerler "sottıñ "qiındıqtarğa" qatıstı talaptarı tım qatañ" degen oyda. Twtınuşılar qoğamdastığınıñ zañgeri Djon Rao (John Rao): Sebebi halıqtıñ basım köpşiligi şın mäninde studenttik qarızın töleuden bosau mümkindigine ie bola otırıp, sottıñ şeşimin öz betinşe boljağandıqtan, şağımdanuğa tırıspaydı da. Al bankrottıq turalı arızdanğandar bir uaqıtta ay sayın qarızdarın ötep otıruğa şaması kelmey, sotqa jüginuge de qarajatı bolmauı mümkin, - deydi.

Qarız alğan adam studenttik qarızın öteudi 9 ay jäne odan wzaq merzimge sozğan bolsa, ol kelisim şarttarın bwzğan bolıp sanaladı. Qazir elde 4 mln-nan astam studenttik qarız ötelmegen.

Bwl mäselege qatıstı qoğamnıñ oy-pikiri ükimetke onlayn nemese poştamen mamırdıñ 22-ne deyin jiberilu kerek.

“The Qazaq Times”