Foto: Radio Azattık

Qazaqstan aumağında wstalğan Qırğızstan deputatı Dämirbek Asılbekwlı Qorday audanınıñ tuması, wltı qazaq – dep habarlaydı QR İşki ister ministrliginiñ baspasöz qızmeti.

İşki ister ministrligi taratqan mälimdemede: «Kämelettik jasqa jetkennen keyin oğan tuu turalı kuäligi negizinde  Qazaqstan Respublikasınıñ tölqwjatı men jeke kuäligi tabıstalğan. 2010 jılı jeke kuäliginiñ merziminiñ ayaqtaluına baylanıstı qayta qwjattalğan. Qazaqstan Respublikasınıñ azamattığınan şığuğa baylanıstı ökiletti organdarğa ötiniş bermegen. Qazirgi tañda atalmış iske baylanıstı tekseru jwmıstarı jürgizilude» - delingen.

Esteriñizge salayıq, aqpan ayınıñ 15-i küni Almatı qalasında Qırğızstan Joğarı Keñesiniñ deputatı Dämirbek Asılbekwlı wstalğan bolatın. Onıñ üstinen QR Qılmıstıq Kodeksiniñ 234 babınıñ 3 tarmağı jäne 264 babınıñ 2 tarmağı boyınşa qılmıstıq is qozğalıp, eki ayğa qamauğa alındı.

“The Qazaq Times”