Foto: Associated Press

Resey elşiliginen 400 kg kokain tabıldı – dep habarlaydı Todo Noticias gazeti.

Basılım mälimetinşe, Argentina qwqıq qorğau organdarı tekseru barısında Buenos-Ayres qalasındağı Resey elşiliginen 400 kg kokain tärkilegen. Argentina Qauipsizdik ministri Patrisi Bullriçtıñ sözinşe,  arnayı operaciya Resey policiyasımen birlesip jürgizilgen. Elşilikten tabılğan 12 çemodanğa salınğan 360 paket kokainnıñ qwnı 50 million euronı qwrağan.

Associated Press aqparat agenttiginiñ mälimetinşe, elşilik ğimaratındağı kokainnıñ tärkilenuine Reseydiñ Argentinadağı elşisiniñ telefon qoñırauı sebep bolğan. Ol 2016 jıldıñ basında Buenos-Ayres qalasınıñ qwzırlı organdarına elşilikten asa iri kölemde kokain tauıp alğandığın jetkizgen. Tekseru barısında «kokain saudasına» eki argentinalıq jäne üş reseylik azamattıñ qatısı bar ekendigi anıqtalğan. Olardıñ işinde Buenos-Ayres qalasınıñ policiya inspektorı men Resey Federaciyasınıñ eks-şeneunigi bar. Küdiktiler 400 kg kokaindı Reseydiñ diplomatiyalıq poştası arqılı Reseyge jäne birneşe Europa elderine jöneltpek bolğan.

“The Qazaq Times”