فوتو: Associated Press

رەسەي ەلشىلىگىنەن 400 كگ كوكاين تابىلدى – دەپ حابارلايدى Todo Noticias گازەتى.

باسىلىم مالىمەتىنشە، ارگەنتينا قۇقىق قورعاۋ ورگاندارى تەكسەرۋ بارىسىندا بۋەنوس-ايرەس قالاسىنداعى رەسەي ەلشىلىگىنەن 400 كگ كوكاين تاركىلەگەن. ارگەنتينا قاۋىپسىزدىك ءمينيسترى پاتريسي بۋللريچتىڭ سوزىنشە،  ارنايى وپەراتسيا رەسەي پوليتسياسىمەن بىرلەسىپ جۇرگىزىلگەن. ەلشىلىكتەن تابىلعان 12 چەمودانعا سالىنعان 360 پاكەت كوكايننىڭ قۇنى 50 ميلليون ەۋرونى قۇراعان.

Associated Press اقپارات اگەنتتىگىنىڭ مالىمەتىنشە، ەلشىلىك عيماراتىنداعى كوكايننىڭ تاركىلەنۋىنە رەسەيدىڭ ارگەنتيناداعى ەلشىسىنىڭ تەلەفون قوڭىراۋى سەبەپ بولعان. ول 2016 جىلدىڭ باسىندا بۋەنوس-ايرەس قالاسىنىڭ قۇزىرلى ورگاندارىنا ەلشىلىكتەن اسا ءىرى كولەمدە كوكاين تاۋىپ العاندىعىن جەتكىزگەن. تەكسەرۋ بارىسىندا «كوكاين ساۋداسىنا» ەكى ارگەنتينالىق جانە ءۇش رەسەيلىك ازاماتتىڭ قاتىسى بار ەكەندىگى انىقتالعان. ولاردىڭ ىشىندە بۋەنوس-ايرەس قالاسىنىڭ پوليتسيا ينسپەكتورى مەن رەسەي فەدەراتسياسىنىڭ ەكس-شەنەۋنىگى بار. كۇدىكتىلەر 400 كگ كوكايندى رەسەيدىڭ ديپلوماتيالىق پوشتاسى ارقىلى رەسەيگە جانە بىرنەشە ەۋروپا ەلدەرىنە جونەلتپەك بولعان.

“The Qazaq Times”