Foto: telegraf.com.ua

Ukraina resmi Minskiniñ BWW-nıñ Donbastağı beybitşilikti qoldau missiyasına qatısuına qarsı – dep habarlaydı Korrespondent gazeti.

Basılım mälimetinşe, Ukraina Sırtqı ister ministri Elena Zerkal' BWW-nıñ Donbastağı beybitşilikti qoldauğa baylanıstı ötetin otırısına qatıstı «5 kanal» telearnasına swhbat bergen. Onda ol: «Meniñ biluimşe, Belarus' WQŞW (ODKB) qwramınan şıqqan joq, äli de sonıñ müşesi. Eger biz NATO-nı beybitşilikti qoldau missiyasınıñ otırısına qatıstırmaytın bolsaq, onda Belarus'tı da şettetken dwrıs şığar. Qazirgi tañda eñ bastı mäsele bitimger äskerdiñ Ukraina men Resey arasındağı şekarağa ornalasuı. Bwl jöninde wzaq uaqıttan beri pikirtalas jürip keledi» - degen.

Esteriñizge salayıq, Qazaqstan prezidenti Nwrswltan Nazarbaev qañtar ayında AQŞ-qa jasağan resmi is-saparı kezinde: «Ukraina dağdarısına baylanıstı Minsk kelissözderi tığırıqqa tireldi» - dep mälimdep, Minsk kelissözderin Belarus'tan Astanağa auıstırudı wsınğan bolatın. Keyinnen Belarus' Sırtqı ister ministri Vladimir Makey: «Ukrainadağı jağdaylardı retteuge baylanıstı kelissözderdi Minskiden Astanağa auıstıru mäseleni şeşpeydi. Biz özgelermen salıstırğanda bitimgerler lavrınıñ artınan jügirip jürgen joqpız» - dep mälimdegen.

“The Qazaq Times”