فوتو: Forbes.kz

كاسىپكەرلىك احۋالدى جاقسارتۋ جايىندا «اتامەكەن» قر ۇكپ باسقارما توراعاسى ابىلاي مىرزاحمەتوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا ايتتى، دەپ حابارلايدى ۇكپ ءباسپاسوز قىزمەتى. 

«اتامەكەن» باسقارما توراعاسىنىڭ ايتۋىنشا، كاسىپكەرلەرگە دە ءوز جۇمىستارىندا ادالدىق قاعيداسىن ساقتاۋ ماڭىزدى. ابىلاي مىرزاحمەتوۆ جۋرناليستەردىڭ ساۋالدارىنا جاۋاپ بەرە وتىرىپ، وسىعان قاتىستى ورىندى سىندى وڭ قابىلدايتىنىن ايتتى.

«تۇتىنۋشىنى قورعاۋدا ساۋال دۇرىس قويىلىپ وتىر. سوڭعى جىلدارى كوپ نارسە جاسالدى، مەملەكەتتىك رەتتەۋ قىسقاردى، ەندى بيزنەستىڭ جاۋاپكەرشىلىگىن ارتتىرۋ كەرەك. ليفتىدە قانداي جاعداي ورىن العانىن قاراڭىزدار. ءبىز ليتسەنزيالاۋدى الىپ تاستادىق، بۇگىندە ليفت قۇرىلعىسىن جەتكىزۋشى ەشقانداي باقىلاۋعا الىنباعان، شىندىعىندا قاندايدا ءبىر تۇرعىن ءۇي كەشەنىندە ليفتىگە قاتىستى وقيعا ءبىر ايعا جەتپەيتىن ۋاقىت ارالىعىندا ورىن الىپ جاتادى. ستاندارتتار جۇيەسىن ەنگىزۋدى ۇسىنامىز. قازىر زاڭ جوباسى ماجىلىستە. بيزنەستىڭ سالالىق قاۋىمداستىقتارى، تۇتىنۋشىلار مەن مەملەكەتتىك ورگانداردىڭ قاتىسۋىمەن دايىندالاتىن ستاندارتتار ءنورماتيۆتى اكتىلەردىڭ نەگىزىنە اينالۋى كەرەك دەپ ەسەپتەيمىز. ەگەر ەرتەڭ فيرما ءليفتىنى ورنارتسا، وندا پاتەر يەلەرىنىڭ كووپەراتيۆى نەمەسە تاپسىرىس بەرۋشى ستاندارتقا قانشالىقتى سايكەس كەلەتىنىن ناقتى تەكسەرە الادى»، – دەدى ابىلاي مىرزاحمەتوۆ.

سونداي-اق، «اتامەكەن» ۇلتتىق كاسىپكەرلەر پالاتاسى شاعىن جانە ورتا بيزنەس كاسىپورىندارىندا تسيفرلاندىرۋ مەن مودەرنيزاتسيالاۋ پروتسەسىن كەڭىنەن ەنگىزۋ ءۇشىن يندۋستريالىق-يننوۆاتسيالىق دامىتۋدىڭ مەملەكەتتىك باعدارلاماسى اياسىندا باسەكەلىك قابىلەتتى ارتتىرۋ باعدارلاماسىن قولدانۋدى ۇسىنادى.

«ءبىز شاعىن جانە ورتا بيزنەستىڭ نەگىزگى شيكىزاتتىق ەمەس 9 سالاسىن قامتۋدى ۇسىنامىز. ولاردىڭ بارلىعى مەملەكەتتىك قولداۋ شارالارىن پايدالانادى. مەملەكەت ءبىر تەرەزە ارقىلى كەشەندى قولداۋ شارالارىن بەرەدى، ال بيزنەس تسيفرلاندىر جانە مودەرنيزاتسيالاۋ بويىنشا ءوزارا مىندەتتەمەنى الادى. ءبىز تسيفرلىق ءوندىرىستى، اقىلدى مەنەدجەمەنتتى قالاي ەنگىزۋ كەرەك دەگەن سەكىلدى دۇنيەلەرگە دەيىن كومەكتەسەمىز... وسىلايشا بارلىق شارانى ءبىر باعدارلاماعا بىرىكتىرە وتىرىپ، بيزنەستىڭ ادالدىعىن ارتتىرامىز»، – دەپ ەسەپتەيدى ابىلاي مىرزاحمەتوۆ.

“The Qazaq Times”