Foto: Reuters

Özbekstan prezidenti Şavkat Mirziyaev 16 aqpanda Bwhara oblısı Peşkun audanınıñ belsendilerimen kezdesip, Wlttıq qauipsizdik qızmetin (WQQ) tağı da qatañ sınğa aldı. Prezidenttiñ sözinşe, Bwhara oblısınıñ WQQ basqarması käsipkerlerge qırğiday tiip, jazıqsız türmege otırğızğan, dep habarladı Ortalıq Aziya jañalıqtar qızmeti. 

«...Bizde wlttıq qauipsizdik degen qwday bergen bir wyım bar. Bir memlekettik wyımda qanşama ökilettik berilgen. Sol üşin Bwhara oblısında narazılıq köbeydi. Mağan jetken hat ieleri narazı. Mwnda käsipkerlerdi joyğan wyım äli jwmıs istep jatır», – dedi prezident.

 Şavkat Mirziyaevtiñ sözinşe, özinde Bwhara oblıstıq WQQ basqarması jasağan qanşama qılmıstıq dälelder bar.

"Mende tipti zorlıq-zombılıq beynesi bar suretter bar. Men onı jasağan tergeuşilerdiñ atı-jönderin bilemin. Qwday densaulıq berse, zwlımdıq jasağandardıñ bärin teledidardan köretin uaqıt keledi. Men osılardıñ bärin olardıñ özderine sınaymın. Nege? Sebebi ädilettilik bolu kerek. Eger qajet bolsa, olar jiırma jılğa deyin türmede otıradı», – dedi prezident.

Mirziyaevtiñ aytuınşa, zañsız äreketterden şarşağan käsipkerler Bwharadan qaşıp ketuge mäjbür bolğan.

“The Qazaq Times”