فوتو: Reuters

وزبەكستان پرەزيدەنتى شاۆكات ميرزياەۆ 16 اقپاندا بۇحارا وبلىسى پەشكۋن اۋدانىنىڭ بەلسەندىلەرىمەن كەزدەسىپ، ۇلتتىق قاۋىپسىزدىك قىزمەتىن (ۇقق) تاعى دا قاتاڭ سىنعا الدى. پرەزيدەنتتىڭ سوزىنشە، بۇحارا وبلىسىنىڭ ۇقق باسقارماسى كاسىپكەرلەرگە قىرعيداي ءتيىپ، جازىقسىز تۇرمەگە وتىرعىزعان، دەپ حابارلادى ورتالىق ازيا جاڭالىقتار قىزمەتى. 

«...بىزدە ۇلتتىق قاۋىپسىزدىك دەگەن قۇداي بەرگەن ءبىر ۇيىم بار. ءبىر مەملەكەتتىك ۇيىمدا قانشاما وكىلەتتىك بەرىلگەن. سول ءۇشىن بۇحارا وبلىسىندا نارازىلىق كوبەيدى. ماعان جەتكەن حات يەلەرى نارازى. مۇندا كاسىپكەرلەردى جويعان ۇيىم ءالى جۇمىس ىستەپ جاتىر»، – دەدى پرەزيدەنت.

 شاۆكات ميرزياەۆتىڭ سوزىنشە، وزىندە بۇحارا وبلىستىق ۇقق باسقارماسى جاساعان قانشاما قىلمىستىق دالەلدەر بار.

"مەندە ءتىپتى زورلىق-زومبىلىق بەينەسى بار سۋرەتتەر بار. مەن ونى جاساعان تەرگەۋشىلەردىڭ اتى-جوندەرىن بىلەمىن. قۇداي دەنساۋلىق بەرسە، زۇلىمدىق جاساعانداردىڭ ءبارىن تەلەديداردان كورەتىن ۋاقىت كەلەدى. مەن وسىلاردىڭ ءبارىن ولاردىڭ وزدەرىنە سىنايمىن. نەگە؟ سەبەبى ادىلەتتىلىك بولۋ كەرەك. ەگەر قاجەت بولسا، ولار جيىرما جىلعا دەيىن تۇرمەدە وتىرادى»، – دەدى پرەزيدەنت.

ميرزياەۆتىڭ ايتۋىنشا، زاڭسىز ارەكەتتەردەن شارشاعان كاسىپكەرلەر بۇحارادان قاشىپ كەتۋگە ءماجبۇر بولعان.

“The Qazaq Times”