Foto: VVS.

AQŞ Wlttıq qauipsizdik agenttigi ğimaratında atıs boldı – dep habarlaydı VVS aqparat agenttigi.

Jergilikti BAQ ökilderiniñ mälimetinşe, särsenbi küni tañerteñ AQŞ-tıñ Merilend ştatına qarastı Fort-Mid qalasında Wlttıq qauipsizdik agenttigi ğimaratınıñ aldında atıs bolğan. Saldarınan bir adam jaraqat alıp, bir adam twtqındalğan. Aldın ala boljamdar boyınşa, jol tañdamaytın avtokölik ğimarat küzetiniñ eskertuine qaramastan agenttik qorşauına kelip soğılğan.

Wlttıq qauipsizdik agenttigi bolğan oqiğağa baylanıstı eşqanday resmi mälimdeme jasamağan. Tek öziniñ Tvitter paraqşasına «Aymaq jergilikti qwqıq qorğau organdarınıñ baqılauında. Wlttıq qauipsizdik qızmeti men policiya qızmetkerleri bolğan oqiğağa baylanıstı tekseru jwmıstarın jürgizude» - degen qısqa ğana aqparat jariyalağan. Al Aq üy baspasöz qızmeti «El prezidenti Donal'd Tramp bolğan oqiğadan habardar. Ol oqiğa ornında zardap şekken azamattarmen qaşan da birge. Biz aldağı uaqıtta atalmış jağdayğa baylanıstı aqparattarmen mindetti türde bölisetin bolamız» - degen mälimdeme taratqan.

Wlttıq qauipsizdik agenttigi AQŞ qorğanıs ministrligine qaraytın memlekettik mekeme. Onıñ ştab-päteri el astanası Uaşingtonnan 48 şaqırım jerdegi Fort-Mid qalaşığında ornalasqan. Bwğan deyin Wlttıq qauipsizdik agenttigine 2015 jılı şabuıl jasalğan bolatın. Ol kezde bir adam köz jwmıp, biri adam auır jaraqat alğan.

“The Qazaq Times”