فوتو: ۆۆس.

اقش ۇلتتىق قاۋىپسىزدىك اگەنتتىگى عيماراتىندا اتىس بولدى – دەپ حابارلايدى ۆۆس اقپارات اگەنتتىگى.

جەرگىلىكتى باق وكىلدەرىنىڭ مالىمەتىنشە، سارسەنبى كۇنى تاڭەرتەڭ اقش-تىڭ مەريلەند شتاتىنا قاراستى فورت-ميد قالاسىندا ۇلتتىق قاۋىپسىزدىك اگەنتتىگى عيماراتىنىڭ الدىندا اتىس بولعان. سالدارىنان ءبىر ادام جاراقات الىپ، ءبىر ادام تۇتقىندالعان. الدىن الا بولجامدار بويىنشا، جول تاڭدامايتىن اۆتوكولىك عيمارات كۇزەتىنىڭ ەسكەرتۋىنە قاراماستان اگەنتتىك قورشاۋىنا كەلىپ سوعىلعان.

ۇلتتىق قاۋىپسىزدىك اگەنتتىگى بولعان وقيعاعا بايلانىستى ەشقانداي رەسمي مالىمدەمە جاساماعان. تەك ءوزىنىڭ تۆيتتەر پاراقشاسىنا «ايماق جەرگىلىكتى قۇقىق قورعاۋ ورگاندارىنىڭ باقىلاۋىندا. ۇلتتىق قاۋىپسىزدىك قىزمەتى مەن پوليتسيا قىزمەتكەرلەرى بولعان وقيعاعا بايلانىستى تەكسەرۋ جۇمىستارىن جۇرگىزۋدە» - دەگەن قىسقا عانا اقپارات جاريالاعان. ال اق ءۇي ءباسپاسوز قىزمەتى «ەل پرەزيدەنتى دونالد ترامپ بولعان وقيعادان حاباردار. ول وقيعا ورنىندا زارداپ شەككەن ازاماتتارمەن قاشان دا بىرگە. ءبىز الداعى ۋاقىتتا اتالمىش جاعدايعا بايلانىستى اقپاراتتارمەن مىندەتتى تۇردە بولىسەتىن بولامىز» - دەگەن مالىمدەمە تاراتقان.

ۇلتتىق قاۋىپسىزدىك اگەنتتىگى اقش قورعانىس مينيسترلىگىنە قارايتىن مەملەكەتتىك مەكەمە. ونىڭ شتاب-پاتەرى ەل استاناسى ۋاشينگتوننان 48 شاقىرىم جەردەگى فورت-ميد قالاشىعىندا ورنالاسقان. بۇعان دەيىن ۇلتتىق قاۋىپسىزدىك اگەنتتىگىنە 2015 جىلى شابۋىل جاسالعان بولاتىن. ول كەزدە ءبىر ادام كوز جۇمىپ، ءبىرى ادام اۋىر جاراقات العان.

“The Qazaq Times”