قازاقستان ۇلتتىق قورىنىڭ 22,6 ميلليارد دوللار قارجىسى بۇعاتتان شىعارىلعان جوق – دەپ حابارلايدى Cision اقپارات كوزى.

اقپان ايىنىڭ 11-ءى كۇنى Cision اقپارات كوزىنە قازاقستان ۇلتتىق قورىنىڭ بۇعاتتالعان 22,6 ميلليارد دوللار قارجىسىنا بايلانىستى مولداۆالىق وليگارح اناتولي ستاتي مەن ونىڭ ۇلى گابريەل پىكىر بەرگەن. وندا ولار: «قازاقستان قارجىسىنا بريۋسسەلدىڭ ءبىرىنشى ساتىداعى سوتىنىڭ شەشىمى بويىنشا بۇعات سالىندى. بۇل شەشىم بريۋسسەل سوتى اتالمىش قىلمىستىق ءىستى تولىقتاي قاراپ شىققانشا ءوز كۇشىندە قالادى. قازاقستان تاراپىنىڭ ءتۇرلى مالىمدەمەلەرى مەن امستەردام سوتىنىڭ شىعارعان شەشىمى بۇعاتتىڭ زاڭدىق كۇشىنە اسەر ەتپەيدى» - دەگەن.

ەستەرىڭىزگە سالايىق، 2017 جىلدىڭ جەلتوقسان ايىندا اقش-تىڭ "Bank of New York Mellon" بانكى سوت شەشىمى بويىنشا قازاقستان ۇلتتىق قورىنا تيەسىلى 22,6 ميلليارد دوللار قارجىسىن بۇعاتتاعان. كەيىننەن بانك ءباسپاسوز قىزمەتى قازاقستان قارجىسىنىڭ بۇعاتتالۋىنا مولداۆالىق وليگارح اناتولي ءستاتيدىڭ ارىزى سەبەپ بولعانىن مالىمدەگەن. قاڭتار ايىنىڭ ورتاسىندا نۇرسۇلتان نازارباەۆتىڭ اقش-قا ءىس-ساپارىنان كەيىن، باق بەتتەرىندە «Bank of New York Mellon» بانكىندەنگى ۇلتتىق قور قارجىسىنىڭ بۇعاتتان شىعارىلعاندىعى جونىندە اقپارات تاراعان.

“The Qazaq Times”