Foto: yandex.kz

Qazaqstan Respublikasınıñ Wlttıq Banki Basqarması «Sälem» saqtandıru kompaniyası» AQ men «Kompetenz» saqtandıru kompaniyası» AQ-nıñ licenziyasın toqtattı. Bwl turalı bas banktiñ resmi saytında habarlandı. 

Mälimet boyınşa, «Sälem» saqtandıru kompaniyasına saqtandıru (qayta saqtandıru) qızmetin jüzege asıru qwqığına berilgen 2016 jılğı 8 tamızdağı № 2.1.54 licenziyanıñ qoldanıluı  uäkiletti organ qoldanğan şekteuli ıqpal etu şaralarınıñ talaptarın orındamağandıqtan altı ayğa toqtatıldı.

«Sälem» SK» AQ-qa Licenziyanıñ qoldanıluın toqtata twru merzimi ayaqtalğanğa deyin qoldanıstağı saqtandıru (qayta saqtandıru) şarttarın wzartudı jäne saqtandıru sıylıqaqıların, saqtandıru (qayta saqtandıru) wyımı jauapkerşiliginiñ kölemin wlğaytu közdeletin olardı özgertudi qosa alğanda, jaña saqtandıru (qayta saqtandıru) şarttarın jasasuğa, sonday-aq saqtandırudıñ mindetti nısandağı türleri boyınşa saqtandıru agenti retinde saqtandıru deldaldığın jüzege asıruğa tıyım salınadı», - delingen habarlamada.

 

Al «Kompetenz» saqtandıru kompaniyası» akcionerlik qoğamı licenziyasınıñ qoldanıluı Qazaqstan Respublikasınıñ zañnamasında belgilengen prudenciyalıq normativterdiñ talaptarın saqtamağanı üşin üş ayğa toqtatıldı.

«Kompetenz» SK» AQ-nıñ Licenziyasınıñ qoldanıluın toqtata twru merzimi ayaqtalğanğa deyin qoldanıstağı saqtandıru (qayta saqtandıru) şarttarın wzartudı jäne saqtandıru sıylıqaqıların, saqtandıru (qayta saqtandıru) wyımı jauapkerşiliginiñ kölemin wlğaytu közdeletin olardı özgertudi, sonday-aq saqtandırudıñ Zañnıñ 6-babı 3-tarmağınıñ 9)-11) tarmaqşalarında körsetilgen sınıptardı qospağanda, azamattıq-qwqıqtıq jauapkerşilikti erikti saqtandıru (qayta saqtandıru) boyınşa saqtandıru qızmeti jäne qayta saqtandıru qızmeti boyınşa saqtandıru agenti retinde saqtandıru deldaldığın jüzege asırudı qosa alğanda, jaña saqtandıru (qayta saqtandıru) şarttarın jasauğa tıyım salınadı», - delingen habarlamada.

“The Qazaq Times”