فوتو: yandex.kz

قازاقستان رەسپۋبليكاسىنىڭ ۇلتتىق بانكى باسقارماسى «سالەم» ساقتاندىرۋ كومپانياسى» اق مەن «Kompetenz» ساقتاندىرۋ كومپانياسى» اق-نىڭ ليتسەنزياسىن توقتاتتى. بۇل تۋرالى باس بانكتىڭ رەسمي سايتىندا حابارلاندى. 

مالىمەت بويىنشا، «سالەم» ساقتاندىرۋ كومپانياسىنا ساقتاندىرۋ (قايتا ساقتاندىرۋ) قىزمەتىن جۇزەگە اسىرۋ قۇقىعىنا بەرىلگەن 2016 جىلعى 8 تامىزداعى № 2.1.54 ليتسەنزيانىڭ قولدانىلۋى  ۋاكىلەتتى ورگان قولدانعان شەكتەۋلى ىقپال ەتۋ شارالارىنىڭ تالاپتارىن ورىنداماعاندىقتان التى ايعا توقتاتىلدى.

«سالەم» سك» اق-قا ليتسەنزيانىڭ قولدانىلۋىن توقتاتا تۇرۋ مەرزىمى اياقتالعانعا دەيىن قولدانىستاعى ساقتاندىرۋ (قايتا ساقتاندىرۋ) شارتتارىن ۇزارتۋدى جانە ساقتاندىرۋ سىيلىقاقىلارىن، ساقتاندىرۋ (قايتا ساقتاندىرۋ) ۇيىمى جاۋاپكەرشىلىگىنىڭ كولەمىن ۇلعايتۋ كوزدەلەتىن ولاردى وزگەرتۋدى قوسا العاندا، جاڭا ساقتاندىرۋ (قايتا ساقتاندىرۋ) شارتتارىن جاساسۋعا، سونداي-اق ساقتاندىرۋدىڭ مىندەتتى نىسانداعى تۇرلەرى بويىنشا ساقتاندىرۋ اگەنتى رەتىندە ساقتاندىرۋ دەلدالدىعىن جۇزەگە اسىرۋعا تىيىم سالىنادى»، - دەلىنگەن حابارلامادا.

 

ال «Kompetenz» ساقتاندىرۋ كومپانياسى» اكتسيونەرلىك قوعامى ليتسەنزياسىنىڭ قولدانىلۋى قازاقستان رەسپۋبليكاسىنىڭ زاڭناماسىندا بەلگىلەنگەن پرۋدەنتسيالىق نورماتيۆتەردىڭ تالاپتارىن ساقتاماعانى ءۇشىن ءۇش ايعا توقتاتىلدى.

«Kompetenz» سك» اق-نىڭ ليتسەنزياسىنىڭ قولدانىلۋىن توقتاتا تۇرۋ مەرزىمى اياقتالعانعا دەيىن قولدانىستاعى ساقتاندىرۋ (قايتا ساقتاندىرۋ) شارتتارىن ۇزارتۋدى جانە ساقتاندىرۋ سىيلىقاقىلارىن، ساقتاندىرۋ (قايتا ساقتاندىرۋ) ۇيىمى جاۋاپكەرشىلىگىنىڭ كولەمىن ۇلعايتۋ كوزدەلەتىن ولاردى وزگەرتۋدى، سونداي-اق ساقتاندىرۋدىڭ زاڭنىڭ 6-بابى 3-تارماعىنىڭ 9)-11) تارماقشالارىندا كورسەتىلگەن سىنىپتاردى قوسپاعاندا، ازاماتتىق-قۇقىقتىق جاۋاپكەرشىلىكتى ەرىكتى ساقتاندىرۋ (قايتا ساقتاندىرۋ) بويىنشا ساقتاندىرۋ قىزمەتى جانە قايتا ساقتاندىرۋ قىزمەتى بويىنشا ساقتاندىرۋ اگەنتى رەتىندە ساقتاندىرۋ دەلدالدىعىن جۇزەگە اسىرۋدى قوسا العاندا، جاڭا ساقتاندىرۋ (قايتا ساقتاندىرۋ) شارتتارىن جاساۋعا تىيىم سالىنادى»، - دەلىنگەن حابارلامادا.

“The Qazaq Times”