Qazaqstanda saqtandıru şarttarı 2019 jıldıñ 1 qañtarınan bastap onlayn rejimde jasalatın boladı. Bwl turalı Wlttıq banktiñ baspasöz qızmeti habarladı. 

2019 jılğı 1 qañtardan bastap saqtandıru wyımdarınıñ twtınuşıları saqtandıru şarttarın internet-resurstardı paydalana otırıp, elektrondıq nısanda jasap, saqtandıru polisin elektrondıq nısanda räsimdey aladı. Şarttıñ elektrondıq nwsqası saqtandırudıñ barlıq türleri boyınşa engiziledi.

Onlayn-saqtandıru engizilgennen bastap mindetti saqtandıru şarttarı boyınşa qağazdağı polisterdiñ aynalısı joyıladı. Saqtandıru şartın jasau faktisi saqtandıru boyınşa birıñğay derekqorğa swratu jiberu arqılı tekseriledi. Mısalı, avtokölik ieleriniñ äkimşilik policiyanıñ qızmetkerlerine saqtandıru polisin wsınuı qajet emes.

Onlayn-saqtandırudı engizu halıq pen biznes üşin saqtandırudıñ qwnın arzandatuğa, şarttardı ofiske barmay-aq nemese deldaldardıñ qatısuınsız saqtandıru kompaniyalarınıñ internet-resurstarı arqılı tikeley jasau mümkindigin beredi, sonday-aq saqtandıru tölemderin aludı jedeldetedi.

Ayta keteyik, saqtandıru kompaniyaları kölik qwraldarı ieleriniñ azamattıq-qwqıqtıq jauapkerşiligin mindetti saqtandıru şarttarın elektrondıq nısanda jasau kezinde 10%-ğa deyin jeñildik beruge qwqılı.

“The Qazaq Times”