بانكروت بولعان قازينۆەستبانكتەگى دەپوزيتتەر بانك تسەنتركرەديت ارقىلى قايتارىلماق

2018 جىلدىڭ 13 اقپانىنان باستاپ «قازاقستاننىڭ دەپوزيتتەرگە كەپىلدىك بەرۋ قورى» اق (قدكبق) «قازينۆەستبانك» اق جەكە تۇلعالار مەن جەكە كاسىپكەرلەرى الدىنداعى مىندەتتەمەلەرى بويىنشا تولەمىن باستايدى. بۇل «قازينۆەستبانك» اق-نىڭ اكتيۆتەرى مەن مىندەتتەمەلەرى «الفا-بانك» ەب اق-عا وتكەن كۇننەن باستاپ قالىپتاسقان اقشا قالدىقتارى، دەپ حابارلايدى قدكبق ءباسپاسوز قىزمەتى. 

"تولەمنىڭ جالپى سوماسى 2,07 ميلليون تەڭگەنى قۇرايدى، «قازينۆەستبانك» اق شوتىندا وڭ قالدىعى بار كليەنتتەر سانى 70. تولەم قدكبق-نىڭ ارنايى رەزەرۆى قاراجاتىنان جۇزەگە اسىرىلاتىن بولادى. كەپىلدىك بەرىلگەن وتەمدى تولەۋگە ارنالعان قدكبق قاراجاتىنىڭ جالپى سوماسى - 568,6 ميلليارد تەڭگە", - دەلىنگەن باسپاس

قوردىڭ مالىمەتىنشە، وتكىزىلگەن كونكۋرس ناتيجەسى بويىنشا «قازاقستاننىڭ دەپوزيتتەرگە كەپىلدىك بەرۋ قورى» اق ديرەكتورلار كەڭەسىنىڭ 2018 جىلدىڭ 7 اقپاننىڭ شەشىمىمەن تولەم بويىنشا اگەنت بانك بولىپ «بانك تسەنتركرەديت» اق تاعايىندالدى. ياعني وسى بانك الماتى، استانا، اقتوبە، قاراعاندى، پاۆلودار، اتىراۋ قالالارىنداعى بارلىق فيليالدار جۇيەسى ارقىلى جەكە تۇلعالاردىڭ ءوتىنىشىن قابىلداپ، قاراستىرىپ، قدكبق اتىنان جانە قاراجاتى ەسەبىنەن كەپىلدىك بەرىلگەن وتەمدى تولەيتىن بولادى.

ايتا كەتەيىك، 2016 جىلدىڭ جەلتوقسان ايىنىڭ سوڭىندا قر ۇلتتىق بانكى "قازينۆەستبانك" اق-تى بانكتىك جانە وزگە دە وپەراتسيالاردى جانە باعالى قاعازدار نارىعىندا قىزمەتتى جۇرگىزۋگە بەرىلگەن ليتسەنزيادان ايىرۋ تۋرالى تۋرالى شەشىم قابىلداعان بولاتىن.

“The Qazaq Times”