Foto: NV.kz

2017 jıldıñ qañtar-qaraşa ayında Qazaqstan şetelge 407,8 mln dollarğa 24,5 mln tonna tas kömir eksporttağan. 

Statistika komitetiniñ mälimetinşe, şikizat tasımalı 2016 jıldıñ 11 ayımen salıstırğanda 14 payızğa, al qarajat kölemi birden 56 payızğa artqan.

Qazaqstan kömiriniñ eñ köp böligin satıp alğan el Resey. Bwl elge 235,2 mln dollarğa 18,8 mln tonna kömir jetkizilgen. Körsetkiş 2016 jılğa qarağanda 8,4 payızğa joğarı. Bwdan bölek, 3,2 mln tonna kömir(48,4 mln dollar) Finlyandiyağa, 903,6 mıñ tonna (14,7 mln dollar) Qırğızstanğa, 673,4 mıñ tonna (43,3 mln dollar) Şveycariyağa satılğan.

Ukrainağa jetkizilgen tas kömir kölemi 369,8 mıñ tonna (50,6 mln dollar) bolsa, Kiprğa 157 mıñ tonna (9,6 mln dollar) jetkizilgen.

Komitet mälimetinşe, 2017 jılı qazaqstandıq 13 käsiporın 280,8 mlrd teñgeniñ tas  kömiri men lignitin öndirgen jäne bwl 2016 jıldıñ säykes kezeñine qarağanda 6 payızğa joğarı. Sonday-aq, öndiris kölemi 106,7 mln tonnanı qwrap, bir jılda 8,3 payızğa ösken.

Degenmen eldegi soñğı uaqıttağı kömir tapşılığı halıqtıñ narazılığın tudırıp otır. Öndiris kölemi arttı degen künniñ özinde, eldegi tapşılıq bwl statistikağa qayşı kelip otır.

“The Qazaq Times”