Foto: Volgograd qalası.

Bügin Resey tarihta Ekinşi Düniejüzilik soğıstıñ şeşuşi şayqastarınıñ biri retinde qalğan Keñes Ükimetiniñ Stalingrad tübindegi jeñisiniñ 75 jıldığın atap ötti. Resey Prezidenti Vladimir Putin qazir atı özgergen Volgograd qalasına arnayı kelip, äskeri paradqa qatıstı. Bwl turalı AFP aqparattıq agenttigi jazdı. 

Vladimir Putin filarmoniyada ötken koncerttik bağdarlama aldında, soğıs ardagerlerimen kezdesip,  adamzat  tarihında Stalingrad şayqasına teñ keler özge şayqas bolmağanın ayttı. "Jauıngerlerdiñ mwqalmas jigeri men öz ömirin oylanbastan oqqa tosuı, jauımızdıñ eñ ülken qorqınışına aynaldı", - dedi ol.

Stalingrad şayqası 1942 jıldıñ şildesinde bastalıp, 200 künge sozılğan. 1943 jılı 2 aqpanda qandı şayqasta Otanı üşin küresken Keñes Ükimetiniñ äskeri jeñiske jetken. Soğıstan keyin Stalingrad qalası qayta qalpına keltirilip, onıñ atauı 1961 jılı Iosif Stalinniñ dünieden ötkenine 8 jıl tolğan twsta "Volgograd" dep özgertildi. 2014 jılı jergilikti bilik ökilderi qalanı jılına 6 ret, ataulı äskeri şaralarğa oray "Stalingrad" dep ataudı wsındı.

 “The Qazaq Times”