فوتو: ۆولگوگراد قالاسى.

بۇگىن رەسەي تاريحتا ەكىنشى دۇنيەجۇزىلىك سوعىستىڭ شەشۋشى شايقاستارىنىڭ ءبىرى رەتىندە قالعان كەڭەس ۇكىمەتىنىڭ ستالينگراد تۇبىندەگى جەڭىسىنىڭ 75 جىلدىعىن اتاپ ءوتتى. رەسەي پرەزيدەنتى ۆلاديمير پۋتين قازىر اتى وزگەرگەن ۆولگوگراد قالاسىنا ارنايى كەلىپ، اسكەري پارادقا قاتىستى. بۇل تۋرالى AFP اقپاراتتىق اگەنتتىگى جازدى. 

ۆلاديمير پۋتين فيلارمونيادا وتكەن كونتسەرتتىك باعدارلاما الدىندا، سوعىس ارداگەرلەرىمەن كەزدەسىپ،  ادامزات  تاريحىندا ستالينگراد شايقاسىنا تەڭ كەلەر وزگە شايقاس بولماعانىن ايتتى. "جاۋىنگەرلەردىڭ مۇقالماس جىگەرى مەن ءوز ءومىرىن ويلانباستان وققا توسۋى، جاۋىمىزدىڭ ەڭ ۇلكەن قورقىنىشىنا اينالدى", - دەدى ول.

ستالينگراد شايقاسى 1942 جىلدىڭ شىلدەسىندە باستالىپ، 200 كۇنگە سوزىلعان. 1943 جىلى 2 اقپاندا قاندى شايقاستا وتانى ءۇشىن كۇرەسكەن كەڭەس ۇكىمەتىنىڭ اسكەرى جەڭىسكە جەتكەن. سوعىستان كەيىن ستالينگراد قالاسى قايتا قالپىنا كەلتىرىلىپ، ونىڭ اتاۋى 1961 جىلى يوسيف ءستاليننىڭ دۇنيەدەن وتكەنىنە 8 جىل تولعان تۇستا "ۆولگوگراد" دەپ وزگەرتىلدى. 2014 جىلى جەرگىلىكتى بيلىك وكىلدەرى قالانى جىلىنا 6 رەت، اتاۋلى اسكەري شارالارعا وراي "ستالينگراد" دەپ اتاۋدى ۇسىندى.

 “The Qazaq Times”