2017 jıldıñ 4 toqsanında Samsung Electronics kompaniyası tauarlarınıñ satılımı şamamen 61,8 mlrd dollardı qwradı, al operaciyalıq tabısı - 14,2 mlrd dollar. Jıl basınan beri satılım kölemi şamamen 224,5 mlrd dollar bolsa, operaciyalıq tabıs 50,2 mlrd dollarğa jetti. Bwl turalı kompaniyanıñ Qazaqstandağı filialınan habarlandı. 

Ötken jıldıñ törtinşi toqsanında kiristiñ artuı serverler men wyalı qwrılğılarğa arnalğan joğarı sapalı jadı komponentteriniñ artuına baylanıstı bolğan.

Sonday-aq, kompaniya joğarı segmenttegi smartfondar üşin OLED-ekrandı jetkizudi arttırğan. Alayda LCD-panel'deriniñ satılımı azayğan.

Kompaniya mälimetinşe, marketingtik şığındardıñ artuınan mobil'di bizneste kiris tömendegen. Aldıñğı toqsanmen salıstırğanda smartfondardıñ jalpı satılımı tömengi segment jwmıstarın oñtaylandıruğa baylanıstı azayğan, alayda Galaxy Note8 flagmandarınıñ satılımı köbeygen.

Kompaniya 4 toqsanda ülken ekrandar jäne QLED sındı premium model'derdi satudan TV segmentinde aytarlıqtay tabıs tapqan. Al twrmıstıq tehnika salasında kiristiñ artuı Soltüstik Amerika men Europada kir juğış maşinalar men joğarı deñgeyli peşterge swranıstıñ artuınan bolğan.

Kompaniyanıñ biılğı jılğa arnalğan boljamı da jaman emes. Premium qwrılğılardıñ tanımaldığı smartfondarğa degen swranıstı arttıruı mümkin. Sonday-aq, Samsung kamera jäne Bixby dauıs assistenti sındı negizgi funkciyalarğa basa nazar audarmaq.

“The Qazaq Times”