Foto: Kompas

Qazaqstan Bayqoñır ğarış aylağınan osı uaqıtqa deyin qanşa payda taptı?

Qañtar ayınıñ 30-ı küni prem'er-ministr Baqıtjan Sağıntaev parlament deputattarınıñ «Bayqoñır ğarış aylağınan osı uaqıtqa deyin el byudjetine qanşa payda tüsti?» - degen saualına jauap bergen. Onıñ sözinşe, Bayqoñır ğarış aylağı jalğa berilgen uaqıttan bastap, osı künge deyin el byudjetine 2,645 milliard dollar payda alıp kelgen.

Bwdan bölek Baqıtjan Sağıntaev Bayqoñır qalasına şekaralas Töretem jäne Aqay eldi mekenderiniñ qazirgi jay-küyi jöninde mälimdeme jasağan. Prem'er-ministrdiñ aytuınşa, qazirgi tañda atalmış eldi mekenderde jol, äleumettik infraqwrılım jäne auızsu qwbırların kürdeli jöndeuden ötkizuge baylanıstı arnayı bağdarlama jüzege asırıluda. Bwğan qosa Bayqoñır qalasın turistik aymaqqa aynaldıruğa baylanıstı joba qaralu üstinde.

Esteriñizge salayıq, Bayqoñır ğarış aylağı Reseyge 2050 jılğa deyin jalğa berilgen. Resey tarapı Qazaqstan halqınıñ qarsılığına qaramastan apatqa jii wşıraytın "Proton" zımırandarın wşıruın osı künge deyin jalğastıruda.

“The Qazaq Times”