Foto: 3DToday

Qazaqstanda azamattıq aviaciya salasına jauap beretin wlttıq kompaniya qwrıladı. Bwl turalı QR Investiciyalar jäne damu ministri Jeñis Qasımbek mälimdedi. 

Onıñ aytuınşa, osı mindetti iske asıru üşin ministrlik dayındıq jwmıstarın jasap, Britan azamattıq aviaciya agenttigimen özara tüsinistik turalı Memorandumğa qol qoyılğan, britandıq mamandar Qazaqstanğa birneşe ret kelip, tehnikalıq ıntımaqtastıq jobaları pısıqtalıptı.

"Birlesken jwmıstar negizinde biz britandıq model'di engizudiñ täsilderin jasadıq. Onda qoldanıstağı zañnamağa wşu qauipsizdigi salasındağı baqılau funkciyaların azamattıq aviaciya salasındağı qadağalau men baqılau jönindegi wlttıq kompaniya türindegi jaña qwrılımğa auıstıru turalı Ministrliktiñ aldında esep beretindey özgerister engiziletin boladı. Inspektor retinde jwmıs isteytin keybir qızmetkerler wlttıq kompaniyağa auısadı. Ministrlik memlekettik sayasattı qalıptastıru men halıqaralıq qatınas mäselelerine jauap beredi",- dedi Jeñis Qasımbek ükimet otırısında jasağan bayandamasında.

Vedomstvo basşısı bwl kompaniyanıñ qalay qarjılandırılatının da atap ötti. Onıñ sözinşe, "wlttıq kompaniya qarajattı özi tabuğa tiis" eken.

"Bükil älemdememlekettik kompaniyalar jüzege asıratın  bwl qızmetterdiñ qwnı tölenedi. Qazirgi kezde bwl komitet arqılı jüzege asuda, biz onı talap etpeymiz. Byudjetten qosımşa qarjı aludı josparlap otırmız", - dedi ol.

Ayta keteyik, bwdan bwrın Qazaqstanda turizm salasın damıtu maqsatında "Qazaq turizm" wlttıq kompaniyası qwrılğan edi. Alayda Qazaqstanda wlttıq kompaniyalar qwrılğanmen, äli öziniñ tiimdigin körsete almay keledi.

“The Qazaq Times”