Foto: mid.gov.kz/

Qazaqstanda 15 tıñ şaqırım jol aqılı boluı mümkin. Bwl turalı bügin ükimet otırısında QR Investiciya jäne Damu ministri Jeñis Qasımbek mälimdedi.

Onıñ aytuınşa, respublikalıq mañızı bar aqılı joldar jüyesin qwru 2019-2022 jıldarğa josparlanuda. Aqılı joldardı paydalanu kezeñi 2020 jäne 2031 jıldar aralığın qamtımaq.

«Qazirgi uaqıtta Memlekettik jeke seriktestik ayasında respublikalıq mañızı bar avtojoldardı aqılı etu mäselesi qarastırıluda. Bwl bastamanı üş jıl işinde 15 mıñ şaqırım joldı aqılu etudi wsınğan jeke seriktes köterdi», - dedi J.Qasımbek.

Sonımen qatar, ol üstimizdei jıldıñ 2 säuir küni jobağa bastama jasau turalı şeşimniñ jariyalanğanın da atap ötti. Eger osı uaqıttan bastap 60 künniñ işinde jobağa qızığuşılıq tanıtıp, qosımşa wsınıs jasauşı taraptar tabılıp jatsa, jeke seriktes bayqau arqılı iriktelmek. Atap ötetin jayt, jobanıñ qwnı 97, 5 mlrd teñgeni ($305 mln) qwraydı.

“The Qazaq Times”