FB äleumettik jelisi. Foto; PCMag.

Äleumettik jeliler jalğan, feyk mälimetterdi taratuşı retinde köpşiliktiñ sınına wşırap keledi. Soñğı kezde qoğamda äleumettik jelilerdiñ mülde jalğan aqparattı keñ kölemde taratıp jiberude ülken röl atqarıp otırğanı da mälim. Endi Facebook äleumettik jelisi qoldanuşılarına saualnama jürgize otırıp, jalğan mälimet közderin anıqtap şıqpaqşı. Bwl turalı BBC-diñ resmi saytı jazdı.

Facebook Inc kompaniyasın qwruşı Mark Cukerberg öziniñ mälimetine: «Aldağı uaqıtta qoldanuşılardıñ paraqşasına anağwrlım senimdi mälimet közderi ğana şığatın boladı», – dedi. Ol qazir kompaniyanıñ jasap jatqan jaña jüyesi sensaciya jäne dezinformaciya nemese ıqpaldı közqarastardıñ soñına tüsip, qaynarın anıqtay alatının ayttı.

Facebook äleumettik jelisi öziniñ qoldanuşılarına wsınğan saualnama boyınşa, qaysı aqparat köziniñ senimdi mälimet taratatının ayta aladı. Bwl Facebook arqılı taraytın sayt aqparattarı, birlestikter, toptar jäne jeke twlğanı da qamtidı. Aytalıq, feyk akkaunttarğa tosqauıl qoya aladı.

Birinşi kezekti saualnama bügin, yağni 22 qañtar küni bastaldı.

Desede, Cukerbergtiñ bwl anıqtau amalı önimdi emes degen pikirler de bar. Amerikalıq «Slate» internet basılımı «ädette köpşilik senetin mälimet közderiniñ de köp sandısı jurnalistika standartın saqtay bermeydi, sondıqtan bwl saualnama jalğan aqparat közderin anıqtauğa kömektespeydi» dep qaraydı.

Qazir, Facebook-te joldamalardıñ 5 payızı jañalıqtardı qwraydı. Aldağı uaqıtta bwl 4 payızğa deyin qısqartılmaq. Endigi jerde qoldanuşılardıñ paraqşalarına olardıñ eñ jaqın qarım-qatınastağı adamdarınan kelgen aqparattar ğana şığatın boladı.

“The Qazaq Times”