فب الەۋمەتتىك جەلىسى. فوتو; PCMag.

الەۋمەتتىك جەلىلەر جالعان، فەيك مالىمەتتەردى تاراتۋشى رەتىندە كوپشىلىكتىڭ سىنىنا ۇشىراپ كەلەدى. سوڭعى كەزدە قوعامدا الەۋمەتتىك جەلىلەردىڭ مۇلدە جالعان اقپاراتتى كەڭ كولەمدە تاراتىپ جىبەرۋدە ۇلكەن ءرول اتقارىپ وتىرعانى دا ءمالىم. ەندى Facebook الەۋمەتتىك جەلىسى قولدانۋشىلارىنا ساۋالناما جۇرگىزە وتىرىپ، جالعان مالىمەت كوزدەرىن انىقتاپ شىقپاقشى. بۇل تۋرالى BBC-ءدىڭ رەسمي سايتى جازدى.

Facebook Inc كومپانياسىن قۇرۋشى مارك تسۋكەربەرگ ءوزىنىڭ مالىمەتىنە: «الداعى ۋاقىتتا قولدانۋشىلاردىڭ پاراقشاسىنا اناعۇرلىم سەنىمدى مالىمەت كوزدەرى عانا شىعاتىن بولادى»، – دەدى. ول قازىر كومپانيانىڭ جاساپ جاتقان جاڭا جۇيەسى سەنساتسيا جانە دەزينفورماتسيا نەمەسە ىقپالدى كوزقاراستاردىڭ سوڭىنا ءتۇسىپ، قاينارىن انىقتاي الاتىنىن ايتتى.

Facebook الەۋمەتتىك جەلىسى ءوزىنىڭ قولدانۋشىلارىنا ۇسىنعان ساۋالناما بويىنشا، قايسى اقپارات كوزىنىڭ سەنىمدى مالىمەت تاراتاتىنىن ايتا الادى. بۇل Facebook ارقىلى تارايتىن سايت اقپاراتتارى، بىرلەستىكتەر، توپتار جانە جەكە تۇلعانى دا قامتيدى. ايتالىق، فەيك اككاۋنتتارعا توسقاۋىل قويا الادى.

ءبىرىنشى كەزەكتى ساۋالناما بۇگىن، ياعني 22 قاڭتار كۇنى باستالدى.

دەسەدە، تسۋكەربەرگتىڭ بۇل انىقتاۋ امالى ءونىمدى ەمەس دەگەن پىكىرلەر دە بار. امەريكالىق «Slate» ينتەرنەت باسىلىمى «ادەتتە كوپشىلىك سەنەتىن مالىمەت كوزدەرىنىڭ دە كوپ ساندىسى جۋرناليستيكا ستاندارتىن ساقتاي بەرمەيدى، سوندىقتان بۇل ساۋالناما جالعان اقپارات كوزدەرىن انىقتاۋعا كومەكتەسپەيدى» دەپ قارايدى.

قازىر، Facebook-تە جولدامالاردىڭ 5 پايىزى جاڭالىقتاردى قۇرايدى. الداعى ۋاقىتتا بۇل 4 پايىزعا دەيىن قىسقارتىلماق. ەندىگى جەردە قولدانۋشىلاردىڭ پاراقشالارىنا ولاردىڭ ەڭ جاقىن قارىم-قاتىناستاعى ادامدارىنان كەلگەن اقپاراتتار عانا شىعاتىن بولادى.

“The Qazaq Times”