Foto: itnews.com.au

2017 jıldıñ qaraşa ayında qarjı audaru jüyesi arqılı Qazaqstannan şetelge 50,4 mlrd teñge jiberilgen jäne bwl aldıñğı aymen salıstırğanda 2,9%-ğa (1,5 mlrd tg) az. Şetelden alınğan qarjı kölemi 27,5 mlrd teñgeni qwraydı, qazan ayına qarağanda körsetkiş 3,1%-ğa (868,1 mln tg) az.

Ranking.kz agenttiginiñ mälimetinşe, 2017 jıldıñ 11 ayında şetelge 449,1 mlrd teñge audarılıp, bwl 2016 jıldıñ säykes kezeñimen salıstırğanda 28,9%-ğa (100,8 mlrd tg) artıq bolıp otır.

Al şetelden Qazaqstanğa audarılğan qarajat kölemine keler bolsaq - 277,4 mllrd teñgeni qwraydı. 11 aydağı ösim - 21,9% (49,9 mlrd teñge).
2016 jılı şetelge jiberilgen jäne şetelden audarılğan qarajat arasındañı ayırmaşılıq 53,2%-dı qwrağan.

Qazaqstannan aqşa audarılğan elder arasında ädettegidey Resey (171,6 mlrd tg), Özbekstan (83,5 mlrd tg), Qırğızstan (38 mlrd tg) köş bastap twr. Atalğan elderge jiberilgen aqşa ülesi jalpı audarılğan qarajat somasınıñ 65,2%-ın qwraydı.

Al Qazaqstanğa audarılğan qarajattıñ eñ köp böligi Reseyge tiesili. Atalğan elden 144,9 mlrd teñge qarajat audarılğan. Bir jıldağı ösim - 15,9% (19,9 mlrd tg).

Ekinşi orında - Oñtüstik Koreya. Bwl elden 11 ay işinde Qazaqstanğa 18,8 mlrd teñge audarılğan jäne bwl körsetkiş ötken jılmen salıstırğanda 2,1 esege  (9,7 mlrd tg) artıq. Al Qırğızstannan Qazaqstanğa 15,9 mlrd teñge kelgen. Bir jılda audarım kölemi 7,9%-ğa ösken (1,2 mlrd tg).

Bwdan Qazaqstannan ketken qarjı kölemi kelgen somağa qarağanda eki esege köp ekeni, yağni qazaqstandıqtardıñ qarjısı şeteldiñ qaltasına "qwyılıp" jatqanı bayqaladı.

“The Qazaq Times”