قازاقستاننان شەتەلگە اۋدارىلعان قارجى كولەمى ارتقان

2017 جىلدىڭ قاراشا ايىندا قارجى اۋدارۋ جۇيەسى ارقىلى قازاقستاننان شەتەلگە 50,4 ملرد تەڭگە جىبەرىلگەن جانە بۇل الدىڭعى ايمەن سالىستىرعاندا 2,9%-عا (1,5 ملرد تگ) از. شەتەلدەن الىنعان قارجى كولەمى 27,5 ملرد تەڭگەنى قۇرايدى، قازان ايىنا قاراعاندا كورسەتكىش 3,1%-عا (868,1 ملن تگ) از.

Ranking.kz اگەنتتىگىنىڭ مالىمەتىنشە، 2017 جىلدىڭ 11 ايىندا شەتەلگە 449,1 ملرد تەڭگە اۋدارىلىپ، بۇل 2016 جىلدىڭ سايكەس كەزەڭىمەن سالىستىرعاندا 28,9%-عا (100,8 ملرد تگ) ارتىق بولىپ وتىر.

ال شەتەلدەن قازاقستانعا اۋدارىلعان قاراجات كولەمىنە كەلەر بولساق - 277,4 مللرد تەڭگەنى قۇرايدى. 11 ايداعى ءوسىم - 21,9% (49,9 ملرد تەڭگە).
2016 جىلى شەتەلگە جىبەرىلگەن جانە شەتەلدەن اۋدارىلعان قاراجات اراسىنداڭى ايىرماشىلىق 53,2%-دى قۇراعان.

قازاقستاننان اقشا اۋدارىلعان ەلدەر اراسىندا ادەتتەگىدەي رەسەي (171,6 ملرد تگ), وزبەكستان (83,5 ملرد تگ), قىرعىزستان (38 ملرد تگ) كوش باستاپ تۇر. اتالعان ەلدەرگە جىبەرىلگەن اقشا ۇلەسى جالپى اۋدارىلعان قاراجات سوماسىنىڭ 65,2%-ىن قۇرايدى.

ال قازاقستانعا اۋدارىلعان قاراجاتتىڭ ەڭ كوپ بولىگى رەسەيگە تيەسىلى. اتالعان ەلدەن 144,9 ملرد تەڭگە قاراجات اۋدارىلعان. ءبىر جىلداعى ءوسىم - 15,9% (19,9 ملرد تگ).

ەكىنشى ورىندا - وڭتۇستىك كورەيا. بۇل ەلدەن 11 اي ىشىندە قازاقستانعا 18,8 ملرد تەڭگە اۋدارىلعان جانە بۇل كورسەتكىش وتكەن جىلمەن سالىستىرعاندا 2,1 ەسەگە  (9,7 ملرد تگ) ارتىق. ال قىرعىزستاننان قازاقستانعا 15,9 ملرد تەڭگە كەلگەن. ءبىر جىلدا اۋدارىم كولەمى 7,9%-عا وسكەن (1,2 ملرد تگ).

بۇدان قازاقستاننان كەتكەن قارجى كولەمى كەلگەن سوماعا قاراعاندا ەكى ەسەگە كوپ ەكەنى، ياعني قازاقستاندىقتاردىڭ قارجىسى شەتەلدىڭ قالتاسىنا "قۇيىلىپ" جاتقانى بايقالادى.

“The Qazaq Times”