Foto: topwar.ru

Qazaqstanğa şetelden audarılatın aqşa audarımdarı artıp jatır. Mısalı osı jıldıñ qañtar-naurız ayında tranzakciya sanı 311,6 mıñdı qwrağan. Ötken jıldıñ osı kezeñimen salıstırğanda körsetkiş 19,8%-ğa nemese 51,6 mıñğa artıq, dep mälimet keltiredi Ranking.kz.

Alğaşqı tört ayda Qazaqstanğa audarılğan aqşa audarımdarı 56,2 mlrd teñgeni qwrağan jäne bwl ötken jılğa qarağanda 26,9%-ğa nemese 11,9 mlrd teñgege artıq. Osılayşa, bir tranzakciya üşin audarılğan qarjınıñ ortaşa soması 5,9%-ğa ösip, 180,5 mıñ teñge bolğan.

Sonday-aq, şetelden Qazaqstanğa Zolotaya korona jäne Western Union jüyesi arqılı jii aqşa audarılğan. Narıqtağı ülesi 65,9%-dı qwraydı.

Zolotaya korona jüyesi arqılı audarılğan audarımdar 24,6 mlrd teñgeni qwradı jäne bir jıl işinde 24,7%-ğa nemese 4,9 mlrd teñgege artqan.

Al Western Union jüyesindegi audarımdar ülesi 12,5 mlrd teñge jäne ötken jılmen salıstırğanda 27,6% nemese 2,7 mlrd teñgege joğarı.

Jalpı osı jıldıñ naurızında şetelden Qazaqstanğa 21,5 mlrd teñge audarılğan. Aqpan ayımen salıstırğanda körsetkiş 19,6%-ğa nemese  3,5 mlrd teñgege joğarı. Tranzakciya sanı bir ayda 20,1%-ğa nemese  (19,9 mıñ ), 118,7 mıñğa deyin arttı.

“The Qazaq Times”