Foto: Crediti-bez-problem.ru

 S&P Global Ratings agenttiginiñ sarapşıları Wlttıq qordıñ bwğatalğan qarjısına qatıstı jağday özgerui mümkin ekenin aytadı. 

Qazaqstannıñ täuelsiz reytingine qatıstı esebinde agenttik moldovalıq biznesmen men memleket arsındağı kelispeuşilikke baylanıstı 2017 jıldıñ soñında amerikalıq Bank of New York Mellon Wlttıq qor qarjısınıñ şamamen 22,6 mlrd dolların (JİÖ-niñ 13 payızı) bwğattağanın eske saldı.

"Qazaqstan ükimeti sot şeşimine narazı bolğanmen, bwl Bel'giya men Niderlandıda küşine endi, nätijesinde Wlttıq qordıñ osı elderdegi şottarındağı qarajat bwğattaldı. Sondıqtan biz qordıñ 22,6 mlrd dolların 2017-2021 jıl aralığındağı esepten şığardıq. Öytkeni ol qarjınıñ äli qanşa uaqıt bwğatta bolatını belgisiz. Alayda, qazaqstandıq bilik tarapınan alınğan aqparattardı esepke alar bolsaq, onda esepşot 2018 jıldıñ naurız ayında apellyaciyalıq tıñdaulardan keyin şeşilui mümkin", - degendi aytadı S&P halıqaralıq reyting agenttigi.

Sonday-aq, qarjı wyımı Qazaqstan ükimeti şved sotı bekitken kepildik somasın bergen jağdayda ğana aktivterge qoyılğan bwğat alınuı mümkin ekenin joqqa şığarmaydı.

"Qazirgi uaqıtta Qazaqstan ükimeti Wlttıq qor aktivteriniñ bwğatalğan böligine qol jetkize almaydı. Al eger aktivterge qoyılğan bwğat alınsa,  onda biz olardı qaytadan byudjettiñ jäne sırtqı aktivterdiñ esebine engizemiz. Negizi Qazaqstan ükimetiniñ byudjettik jäne  sırtqı körsetkişterine qatıstı bizdiñ bağalauımız öte joğarı, bwl ükimetke osınday kütpegen jağdaylarğa qarsı twruğa mümkindik beredi", - deydi agenttik ökilderi.

“The Qazaq Times”