فوتو: Crediti-bez-problem.ru

 S&P Global Ratings اگەنتتىگىنىڭ ساراپشىلارى ۇلتتىق قوردىڭ بۇعاتالعان قارجىسىنا قاتىستى جاعداي وزگەرۋى مۇمكىن ەكەنىن ايتادى. 

قازاقستاننىڭ تاۋەلسىز رەيتينگىنە قاتىستى ەسەبىندە اگەنتتىك مولدوۆالىق بيزنەسمەن مەن مەملەكەت ارسىنداعى كەلىسپەۋشىلىككە بايلانىستى 2017 جىلدىڭ سوڭىندا امەريكالىق Bank of New York Mellon ۇلتتىق قور قارجىسىنىڭ شامامەن 22,6 ملرد دوللارىن ء(جىو-ءنىڭ 13 پايىزى) بۇعاتتاعانىن ەسكە سالدى.

"قازاقستان ۇكىمەتى سوت شەشىمىنە نارازى بولعانمەن، بۇل بەلگيا مەن نيدەرلاندىدا كۇشىنە ەندى، ناتيجەسىندە ۇلتتىق قوردىڭ وسى ەلدەردەگى شوتتارىنداعى قاراجات بۇعاتتالدى. سوندىقتان ءبىز قوردىڭ 22,6 ملرد دوللارىن 2017-2021 جىل ارالىعىنداعى ەسەپتەن شىعاردىق. ويتكەنى ول قارجىنىڭ ءالى قانشا ۋاقىت بۇعاتتا بولاتىنى بەلگىسىز. الايدا، قازاقستاندىق بيلىك تاراپىنان الىنعان اقپاراتتاردى ەسەپكە الار بولساق، وندا ەسەپشوت 2018 جىلدىڭ ناۋرىز ايىندا اپەللياتسيالىق تىڭداۋلاردان كەيىن شەشىلۋى مۇمكىن", - دەگەندى ايتادى S&P حالىقارالىق رەيتينگ اگەنتتىگى.

سونداي-اق، قارجى ۇيىمى قازاقستان ۇكىمەتى شۆەد سوتى بەكىتكەن كەپىلدىك سوماسىن بەرگەن جاعدايدا عانا اكتيۆتەرگە قويىلعان بۇعات الىنۋى مۇمكىن ەكەنىن جوققا شىعارمايدى.

"قازىرگى ۋاقىتتا قازاقستان ۇكىمەتى ۇلتتىق قور اكتيۆتەرىنىڭ بۇعاتالعان بولىگىنە قول جەتكىزە المايدى. ال ەگەر اكتيۆتەرگە قويىلعان بۇعات الىنسا،  وندا ءبىز ولاردى قايتادان بيۋدجەتتىڭ جانە سىرتقى اكتيۆتەردىڭ ەسەبىنە ەنگىزەمىز. نەگىزى قازاقستان ۇكىمەتىنىڭ بيۋدجەتتىك جانە  سىرتقى كورسەتكىشتەرىنە قاتىستى ءبىزدىڭ باعالاۋىمىز وتە جوعارى، بۇل ۇكىمەتكە وسىنداي كۇتپەگەن جاعدايلارعا قارسى تۇرۋعا مۇمكىندىك بەرەدى", - دەيدى اگەنتتىك وكىلدەرى.

“The Qazaq Times”