Milliarder Älişer Usmanov jäne Resey prezidenti Vladimir Putin.

Amerikalıq senatorlar Rodjer Viker, Mark Rubio jäne Kori Gardner reseylik milliarder Älişer Usmanovqa qarsı sankciya jariyalaudı wsındı – dep habarlaydı Forbes jurnalı.

Basılım mälimetinşe, senatorlar Usmanovqa sankciya saludı swrap AQŞ memlekettik hatşısı Reks Tillersonğa, Qarjı ministri Stiven Mnuçinge jäne Wlttıq barlau qızmetiniñ basşısı Den Koutsqa hat joldağan. Atalmış hat Europadağı qauipsizdik jäne ıntımaqtastıq jönindegi komissiya resmi saytında jariyalanğan.

Rodjer Viker, Mark Rubio jäne Kori Gardner özderiniñ atalmış hattı joldauın «Novaya gazeta» jäne Aleksey Naval'nıydıñ «Jemqorlıqqa qarsı is-qimıl» qorınıñ Usmanov jayında jariyalağan materialdarınan keyin jazğandıqtarın aytqan. Senatorlar Älişer Usmanovtı Kreml'ge jaqın oligarhtardıñ biri dep esepeydi.  Olar Usmanovtıñ jaqında Resey prem'er-ministri Dmitriy Medvedevke qatısı bar qayırımdılıq qorına 85 million dollar qarjı audarğanın öz sözderine dälel retinde keltirgen.

Ayta ketetin bir jayt, reseylik oligarh Älişer Usmanovtıñ Özbekstan prezidenti Şavkat Mirzieevpen de qarım-qatınası jaqsı. Mirzieev öziniñ resmi is-saparların birneşe ret Usmanovtıñ jeke wşağımen jasağan. Bwdan bölek Usmanov Resey jurnalisterine bergen swhbatında: «Men ömirden ozğannan keyin bar baylığımdı Özbekstan halqına tastap ketemin» dep mälimdegen.

“The Qazaq Times”